Cultura

O PP pide que se recupere a escultura do San Sebastián Alanceado de Paco Pestana da Praza Roxa

By 16 Outubro, 2021Outubro 18th, 2021Sin comentarios

Os populares consideran que “a mellor homenaxe ao artista finado é manter a súa obra” e, nese senso, propoñen restaurar e reubicar esta peza “nalgún dos novos espazos peonís de Lugo como podería ser Quiroga Ballesteros ou a zona da Mosquera”

O Partido Popular presentará un rogo á Comisión Cultura para que o bigoberno “repare e reubique a escultura de Paco Pestana situada na Praza Roxa e que está nun estado deplorable”.

“Trátase do San Sebastián Alanceado unha peza á que lle falta a cabeza e que está destrozada e pouco ten que ver xa coa peza orixinal”. Os populares explican que a escultura, que estaba situada nunha peana nun lateral da praza, trasladouse de forma arbitraria de lugar e agora a súa peana é un muro que hai  neste espazo público”.

O Partido Popular xa advertiu no ano 2018 da situación na que se atopaba esta peza de Pestana e, agora, reclama que “a mellor forma de homenaxealo é restaurar e poñer en valor a súa obra”. Nese senso propoñen que “unha vez se arranxe esta peza se consensúe con todos os grupos da corporación unha nova ubicación para o San Sebastián Alanceado que ben podería ser nun dos novos espazos peonís como, por exemplo Quiroga Ballesteros ou o espazo que se habilite na zona da Mosquera”.

Para o PP é un deber do goberno local poñer en valor a riqueza artística que hai en Lugo e aproveitan esta petición para reclamar a redacción dun inventario dos elementos escultóricos do municipio para evitar que esculturas como esta de Paco Pestana queden esquecidas ou apartadas nun ricón”.  Este inventario poderíase utilizar para promocionar a cidade, para recompilar as obras escultóricas de artistas lucenses con traxectorias de recoñecido prestixio na páxina web do Concello e que mesmo incorporar a información nos planos guía do rueiro.

Responder

3 × 2 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies