EconomíaTransparencia

O PP denuncia que o goberno de Lara Méndez pretende que os cidadáns afectados polos cobros indebidos nos recibos da auga paguen por duplicado

By 31 Maio, 2022Sin comentarios

Explican os concelleiros populares que o goberno local esixe aos afectados o pago dunha nova liquidación dos recibos para logo proceder á devolución dos recibos, sen dar prazo para o reintegro, habendo xa cidadáns que levan dous meses agardando tras presentar toda a documentación esixida

As queixas polos cobros indebidos nos recibos da auga seguen a chegar á oficina do Grupo Municipal do Partido Popular, tendo nesta ocasión unha gravidade maior, xa que denuncian moitos veciños que o goberno local pretende agora que paguen dúas veces.

Dende o Grupo Municipal do Partido Popular explican que se realiza esta valoración despois de ver as explicacións que o goberno local está a dar aos cidadáns afectados, aos que está emitir unha nova liquidación, que o cidadán afectado ten que pagar no prazo dun mes. “A realidade é que os cidadáns xa pagaron unha factura desmesurada, e non lles devolveron os cartos, e agora teñen que pagar unha nova liquidación e presentar un xustificante bancario do que está mal cobrado”, apuntan os populares.

Unha situación que non resolve o problema ao cidadán, xa que hai casos de veciños que se achegaron ata a oficina do Grupo Municipal do Partido Popular para denunciar que xa realizaron todo o procedemento sinalado polo Concello de Lugo e que xa pasaron dous meses dende a presentación do xustificante bancario sen que lles devolveran os cartos cobrados de máis.

“Vemos como o único resultado ata o de agora é que o cidadán paga por duplicado, cando, seguro, que hai outros métodos máis sinxelos para recalcular os recibos e devolver o cobrado indebidamente”, explican.

Outra das críticas que están a escoitar os concelleiros populares é a lentitude do goberno local na resolución das reclamacións xa que “temos constancia de que se están a atender agora as reclamacións que os lucenses presentaron en marzo do ano pasado”, unha tramitación moi lenta que aumenta a incerteza dos lucenses, aos que o goberno local tampouco da prazos concretos para tramitar as devolucións.

Para os populares o goberno local adoece de “falta de criterio” xa que segundo os diferentes veciños que veñen a presentar a súa reclamación “vemos que a cada cidadán se lle atende dun xeito diferente, cando debería de haber unha tramitación idéntica”.

Responder

10 + 2 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies