O concelleiro do Grupo Municipal do PP Rafael Pérez cualifica de “inconcibible e moi preocupante” o triunfalismo co que tanto PSOE como BNG despachan as propostas do PP, que o único que buscaba é que se publiquen canto antes as listas das bolsas de emprego.
O popular cualifica de “falta de empatía” cos 12.000 lucenses anotados nestas listas que PSOE e BNG sigan a manter paradas estas bolsas de emprego que, en moitos servizos municipais, serían moi útiles para cubrir as vacantes existentes.
Rafael Pérez critica que PSOE e BNG sigan a escudarse en Montoro para tentar desculpar a súa total falta de xestión, que se ve reflectida en que en ano e medio no foron capaces de publicar unhas listas que se comprometeron a resolver no prazo dun mes.
Para o popular con esta actitude, tanto PSOE como BNG, están a xogar coas ilusións de todos os lucenses que se anotaron nestas listas na procura dun emprego e que seguen agardando por unha resolución.
