Manuel López explica que os populares seguen a defender ao sector gandeiro galego para que non sigan a vender a perdas a súa produción, pero tilda de “penoso” ver como PSOE e BNG non votan a favor dos gandeiros galegos ao non votar a favor da iniciativa.
O popular recorda que os gandeiros galegos supoñen o 55% das explotacións nacionais, das que sae o 40% da produción de leite a nivel nacional, polo que cualifica como “deslealdade” co sector que PSOE e o BNG se puxeran de perfil no debate.
Manuel López ve fundamental a defensa dun sector que está a pasar por un momento moi delicado e urxe ao goberno central a garantir que se cumpra a Lei de Mellora do Funcionamento da Cadea Alimentaria e que os gandeiros cobren por riba dos custos de produción.
