EconomíaProposición

O pleno respalda a proposición do PP para establecer rebaixas fiscais que fixen a poboación no rural

By 23 Febreiro, 2017Sin comentarios

Un dos principais problemas que ten as zonas rurais é o despoboamento e a falta de dotacións polo que é preciso que, por parte das Administracións Públicas, se adopten políticas encamiñadas a fixar poboación e a poñer en valor a recuperación do seu patrimonio construído.

Nese senso a Xunta de Galicia pretende impulsar o asentamento de persoas nestas áreas a través do programa “Impostos Cero” para a adquisición de vivendas nas zonas rurais pouca poboadas eximindo do pago do Imposto de Transmisións Patrimoniais e  Actos Xurídicos Documentados.

A zona rural do Concello de Lugo ten un peso específico na configuración do seu territorio conformado por un total de 54 parroquias, polo que o Goberno Local debe tamén colaborar coa adopción dun paquete de medidas fiscais que complemente as adoptadas pola Xunta de Galicia.

Por todo elo o Grupo Municipal do Partido Popular considera de interese municipal que o Pleno da Corporación Municipal ACORDE:

  1. Que se estude a posibilidade de establecer unha bonificación de ata o 90% na cota íntegra do Imposto de Bens Inmobles tradicionais que se rehabiliten na zona rural de Lugo, durante os tres períodos impositivos consecutivos seguintes ao remate das obras.
  2. Que se estude a posibilidade de establecer unha bonificación de polo menos o 50% no Imposto sobre Construcións, Instalacións e Obras e na Taxa pola Prestación de Servizos Urbanísticos das edificacións tradicionais da zona rural.
  3. Que se estude a posibilidade de establecer unha bonificación do 95% na Taxa por Licenzas de Apertura de establecementos así como na Taxa pola intervención municipal nas comunicacións previas e declaracións responsables na implantación de actividades nas edificacións tradicionais rurais.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies