O PP trasladará ao pleno as protestas veciñais do carrilbici e esixirá a Méndez e Arroxo unha solución

By 10 Xuño, 2021Infraestruturas

Ante a crecente presión veciñal polos carris bici e dado que o goberno local afirmou que estudará todas as peticións que lle fagan chegar os veciños o PP propón “aprazar as obras desta infraestructura ata que se ofrezan alternativas de aparcamento á veciñanza afectada e un deseño seguro desta infraestructura para garantir a convivencia entre condutores, ciclistas e peóns”

O PP tómalle a palabra ao goberno local e “dado que hoxe afirma que estudará todas as peticións que lle fagan chegar os veciños relativas ao carrilbici” anuncia que presentará unha iniciativa ao pleno na que “pedimos a Méndez e Arroxo que paralicen as obras ata que se ofrezan alternativas para o aparcamento de vehículos á veciñanza do entorno e se busquen solucións”.

O voceiro do Grupo Popular explicou que “se ben a posta en marcha dun carrilbici é a priori unha acción positiva, ata aquí todos estamos dacordo pero, ás veces, obras ou iniciativas que poderían supor unha mellora na calidade de vida dos veciños tórcense e convérterse nun problema”.

O noso grupo “co ánimo de presentar propostas que sirvan para corrixir defectos ou erros das iniciativas que o bigoberno vén de pór en marcha” elevará este iniciativa para debatir no vindeiro pleno co obxectivo “de buscar un consenso e de dar resposta á crecente presión veciñal que nas últimas semanas activouse con varias recollidas de sinaturas simultáneas en contra do deseño dos carrís bici no barrio da Residencia, en  Marqués de Ombreiro e na Ronda do Carme”.

Por útlimo o popular chámalle á atención que os socialistas comparen esta infraestructura coa peonalización que fixo o PP no casco histórico “utilizan a demagoxia para minimizar a presión veciñal que está anoxada polas formas, o deseño e a falta dun consenso para executar este carril bici”. O Grupo Popular lamenta a actitude á defensiva coa que traballa a diario o equipo de goberno que “é incapaz de facer autocrítica e de ter un mínimo de empatía cos centos de veciños afectados por esta nova infraestructura”.

Leave a Reply

three × one =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies