O PP reclama un Programa de Usos dos Equipamentos Culturais de Lugo para poñer en valor e aproveitar os espazos culturais do municipio

By 23 Novembro, 2021Cultura

Os populares presentan esta proposta a Méndez e Arroxo, cando se cumpre un ano e cinco meses dende que o goberno local ten as chaves do novo Auditorio de Magoi, lamentando que “PSOE e BNG sigan sen compromisos concretos que presaxien a súa próxima apertura”

O Partido Popular insta ao goberno local a preparar un Programa de Aproveitamento e Usos dos Equipamentos e Infrestructuras Culturais de Lugo coa finalidade “de poñer en valor os diferentes espazos culturais municipais e sacar un aproveitamento dos mesmos programando contidos de interese para toda a cidadanía”. Esta proposta do PP se presenta o día no que se cumpre un ano e cinco meses dende que tivo lugar a recepción por parte do goberno de Lugo do novo Auditorio de Magoi.

Para os populares este documento debe ir acompañado dun estudo económico financeiro no que se describan os investimentos que se precisan tanto para o Auditorio de Magoi como para o Vello Cárcere, o MIHL e o Auditorio Gustavo Freire. Asemesmo, dende o Grupo Municipal Popular, consideramos prioritario definir o contido cultural de forma global  así como clarificar cal é o modelo de xestión que queremos para esta nova nova infraestructura”.

O voceiro popular Ramón Carballo afirma que esta planificación é “indispensable para evitar que haxa espazos municipais infrautilizados e para abrir á cidade a grandes producións que arestora non veñen porque o bigoberno é incapaz de abrir o novo Auditorio de Magoi”.

Dende o PP insisten na “profunda decepción que supón para todos os lucenses ver como un goberno de esquerdas deixa pasar os meses incumprindo os seus propios compromisos para abrir esta infraestructura na que se investiron máis de 24 M€ de todos os galegos a través da Xunta de Galicia”.

Leave a Reply

9 + eight =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies