O PP defenderá no pleno a adhesión de Lugo ao ‘Doing business’, unha vía necesaria para acadar a reactivación económica do municipio

By 24 Novembro, 2021Economía, Proposición

Ramón Carballo pide a Lara Méndez e Rubén Arroxo “altura de miras” para que Lugo se sume ‘Doing Business’ xa que permitirá oportunidades de mellora económica para o municipio e será un bo complemento para o Lugo Transforma

O voceiro do Grupo Municipal do Partido Popular no Concello de Lugo, Ramón Carballo, explica que o seu grupo presentará no pleno de mañá propostas encamiñadas a mellorar a economía do municipio, para “entre todos acadar esa reactivación económica que ansiamos e desexamos”.

Neste senso, os populares pedirán que Lugo se sume á rede dos concellos ‘Doing Business’ de cara a beneficiarse dos fondos ‘Next Generation’, nun momento no que en Galicia xa hai 147 concellos, 22 deles na provincia de Lugo, adheridos a este convenio de colaboración asinado pola Xunta e a Fegamp. “Coa incorporación de Lugo aos concellos emprendedores complementarase o programa de captación de empresas Lugo Transforma, polo que agardamos que tanto socialistas como nacionalistas teñan altura de miras para apoiar esta proposta, ao igual que dende o PP apoiamos sen fisuras sacar da hucha das arcas municipais 12 M€ para o Lugo Transforma”, apuntan.

Explica Ramón Carballo que “ao sumarse ao ‘Doing Business’ o Concello de Lugo tería que comprometerse a ofrecer bonificacións no IBI, IAE e o ICIO ás empresas que se instalen no termo municipal a cambio dun compromiso de creación de emprego”.

De unirse a este protocolo é preciso axilizar os trámites administrativos algo para o que os populares piden resolver nun mes as peticións de licenzas de obra maior, algo que o Concello de Lugo pode facer ao amparo do artigo 54 da Lei 09/2021 de Simplificación Administrativa e de Apoio á Reactivación Económica de Galicia, normativa que ofrece a posibilidade de que os proxectos que vaian acompañados dunha certificación emitida por una ECCOM se informen por parte do Concello no prazo dun mes.

Propostas son as que o Grupo Popular presentou para modificar as ordenanzas fiscais de cara ao vindeiro exercicio.

 

Apertura bolsas de emprego municipais

O Grupo Municipal Popular tamén defenderá unha iniciativa na que instan ao goberno local a apertura inmediata das bolsas das listas de emprego que aínda están pendentes de resolver, situación enquistada dende que en xullo de 2020 o Concello de Lugo anunciou a creación dunha bolsa de emprego que recollía 42 categorías para cubrir as posibles vacantes que se puidesen producir nos diferentes servicios municipais.

A realidade é que o goberno local pretendía garantir que en ningún momento queden postos sen cubrir, sobre todo nalgúns departamentos que por distintas circunstancias son máis proclives a contar con menos persoal e nos que se detecta unha demanda frecuente de traballadores, pero vemos como de novo todo quedou nunha cortina de fume a pesar de que se trataba dunha iniciativa que parecía unha boa oportunidade de emprego para persoas con dificultades no mercado laboral.

 

Municipios contra a Violencia de Xénero: Tolerancia Cero

O Grupo Municipal do PP de Lugo quere que Lugo se sume á campaña de Municipios contra os malos tratos impulsada por Antena 3 Noticias e a Fundación Mutua Madrileña, unha proposta que se debaterá o 25-N.

Os populares insisten en que ratificar este compromiso implicará a posta en marcha de novas iniciativas, como medidas de concienciacións social dirixidas aos mozos lucenses ou a aprobación dun manifesto contra a violencia de xénero, o que situará a Lugo no mapa de municipios preocupado polas mulleres e a igualdade.

 

Apoio ao sector lácteo

Os concelleiros populares tamén defenderán unha iniciativa para defender ao sector lácteo galego, sector que posúe unha importancia transcendental xa que Galicia é líder destacado a nivel nacional tanto en número de gandeiros como en produción de leite, xa que a nosa comunidade acolle a máis do 55% dos gandeiros de todo o estado.

Por este motivo e ante a difícil situación que están a atravesar os productores de leite, o Grupo Municipal Popular defenderá que o Concello de Lugo inste ao Ministerio de Agricultura, Pesca e Alimentación a adopción das medidas oportunas para acadar que os gandeiros cobren polo seu producto un prezo que cubra os custos de produción máis un beneficio, como é obxectivo de calquera empresa.

Leave a Reply

one + twelve =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies