O concelleiro do Grupo Popular Manuel López afirma que urxe retirar “a terra apelmazada e a maleza que tapona un tramo de 60 metros do treito da gabia da acceso a este núcleo da parroquia de Bocamaos”
O Gmpp advirte que os veciños do lugar de Vilacendoi en Bocamaos están preocupados porque as súas casas ou cortes corren o risco de inundarse pola falta de limpeza das cunetas. O concelleiro popular Manuel López explicou que hai un tramo duns 60 metros, xusto á entrada do núcleo, onde a canalización para recoller a auga da chuvia “está tapada por completo por terra apelmazada e maleza”. O edil do PP solicita que de forma urxente o goberno local retire todo o material que obstrúe esta canalización xa que “coa previsión de chuvias é probable que a auga esvare pola calzada e asolague as súas fincas ou vivendas”.
O edil do PP tamén se fae eco doutra petición da veciñanza deste lugar da parroquia de Bocamaos. López reclama que se estude a posibilidade de botar unha capa de zahorra nunha pista de terra que hai na zona de 6 metros de anchura e duns 900 metros de lonxitude e que, na actualidade, está en moi mal estado. O popular indicou que os veciños de Vilacendoi “non só a poderían utilizar para o paso de maquinaria senon que tamén como acceso directo á nacional VI”.
