O PP propón un plan de rebaixas fiscais cunha diminución do IBI para familias e negocios

By 6 Outubro, 2021Economía

Os populares solicitaron hoxe a convocatoria da Mesa de Ordenanzas para consensuar medidas que alixeren a carga fiscal aos cidadáns, autónomos e empresas e “tenden a man á alcaldesa para que o PSOE se sume a “un pacto común para impulsar propostas fiscais que contribúan á recuperación da economía local”

O voceiro do Grupo Popular Ramón Carballo insta a reactivar a economía local con axudas dirixidas a familias empresas e autónomos lucenses co ánimo “de compensar o esforzo que están realizando coa suba da luz e para recuperarse tralos efectos da pandemia”. Entre as principais medidas que proporán os populares para modificar as ordenanzas fiscais e, deste xeito, alixerar a carga fiscal dos lucenses para o ano 2022 destaca a petición de “baixar o coeficiente do IBI urbano e pasalo do 0,67 ao 0,60”.

Os populares fan esta proposta trala publicación dun estudo realizado pola Organización de Consumidores e Usuarios (OCU) no que se confirma que Lugo “está a cabeza das capitais galegas neste imposto e que ten o coeficiente do tipo de gravamen do IBI urbano máis alto de todas as capitales galegas ao situarse en no 0,67 fronte ao  0,64 de Pontevedra; o 0,60 de A Coruña; e o 0,45 de Ourense.

“No PP somos responsables e non facemos propostas populistas como outros moitos. Por ese motivo non lles imos pedir ao goberno local que se iguale á media do coeficiente das grandes cidades, que se sitúa no 0,56, para calcular o IBI porque sería moi lesivo para as arcas municipais e somos conscientes que hai que asegurar os ingresos suficientes para garantir a prestación dos servizos públicos ” engadindo que “o que non podemos seguir permitindo é que un lucense non teña que pagar un IBI máis elevado que noutra capital galega simplemente polo feito de vivir en Lugo”. Por eso pedimos deixala en 0,60 rebaixando un 10% do establecido na actualidade.

Do estudo publicado pola OCU tamén chama a atención que en Lugo o IBI “case duplique o coeficiente que se aplica en Toledo, Pamplona ou Santander e multiplique case por catro a San Sebastián”. Os recibos son un 50% máis caros con respecto a Madrid.

Sistema de pago impostos a prazos – Plan 10
O PP tamén propón activar un programa de pago “fácil” para fraccionar o IBI, IAE, Taxas de lixo e Imposto de Vehículos. “A idea deste Plan 10 é que cada cidadán poda elixir a fórmula que lle convén para facer fronte ás súas obrigas fiscais”. O que suxerimos é poñer en práctica un sistema telemático que permita pagar a prazos as taxas municipais. Con este programa de pago en dez meses “se gaña en comodidade e tamén se permite planificar mellor os gastos dun fogar xa que todos os meses se abonaría unha mesma cantidade”. “Os contribuíntes, que se acollan  a esta fórmula  de forma voluntaria, poderán agrupar os catro recibos e fraccionar o pagamento en 10 cuotas mensuais sen un custe adicional”

 

Por último o Partido Popular pregunta que avances hai na actualización e  revisión das categorías fiscais das vías públicas do municipio e que se toman como base para o pago de diferentes tributos e prezos público. Tal e como está “totalmente desfasado” provoca desigualdades importantes a la hora de aplicalas en el cálculo de las taxas de impuestos municipales.

Co ánimo de consensuar estas e outras propostas do PP Convocatoria mesa de ordenanzas os populares reclaman a convocatoria da mesa de ordenanzas. “Queremos facer chegar ao goberno de forma presencial e tamén por escrito as nosas propostas para que logo non se escuden en que non puideron avaliar a súa viabilidade” concluyeron.

Leave a Reply

20 + seven =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies