EconomíaInfraestruturasTransparencia

O PP propón invalidar o expediente da Fábrica da Luz, teledirixido pola alcaldesa para librarse da súa responsabilidade  

By 25 Xullo, 2022Sin comentarios

Antonio Ameijide suxire “volver a iniciar o procedemento administrativo e que a alcaldesa, por ser parte implicada, se absteña de participar en modo algún no expediente para evitar arbitrariedades e abusos de poder” 

O Partido Popular “vai a ir a por todas” para dirimir responsabilidades e que “paguen os políticos responsables do fracaso na concesión da Fábrica da Luz” que nos custou aos lucenses 2.4M€ de indemnización a Inca.

O vicevoceiro popular Antonio Ameijide explicou que xa esgotaron as vías administrativas e que “o bipartito segue enrrocado na súa prepotencia sen atender a razóns e sen asumir co seu patrimonio persoal as cacicadas que fixo coa mala xestión da Fábrica da Luz, algo terá que ocultar”, razoaba.

O popular fixo esta reflexión “trala pasividade e o silencio da alcaldesa” ao recurso de reposición que presentou o Grupo Popular pasado 17 de xuño co ánimo de anular oexpediente de responsabilidade patrimonial dos políticos e persoal do Concello de Lugo implicados na concesión fallida da Fábrica da luz e que se abriu logo de que a alcaldesa asinase un decreto o pasado 19 de maio ”.

O vicevoceiro do PP recrimina que Lara Méndez iniciase o expediente “sen avisarnos e sen darnos a posibilidade a participar como parte interesada a pesar de que o proceso xurdía a raíz da proposición que se aprobou en pleno a iniciativa do PP o 25 de xuño de 2020”. “O que queremos é que os 2,4M€ cos que houbo que indemnizar á empresa Inca, cos cartos de todos, polo fallido contrato de restauración e explotación hidroeléctrica da Fábrica da Luz fosen aboados polos políticos responsables do fracaso da concesión e da indemnización e que formaban o goberno nese momento”. Ameijide manifestaba que “a alcaldesa debe ter algo que ocultar por actuar de mala fe deixando ao marxe ao partido político que quere aclarar todo o sucedido neste negocio”.

Ameijide explica que o recurso de reposición que presentou o PP se fundamenta en varias cuestións. A primeira ten que ver co informe da Asesoría Xurídica municipal xa que “non se limita a dictaminar senón que vai máis alá do mandato da proposición de pleno aprobada pola corporación hai 2 anos”. Para os populares “resulta evidente que o contido deste informe extralimítase do ordenado polo pleno e que predetermina en quen deberá recaer a responsabilidade excluíndo á alcaldesa, pese a que esta participou no procedemento de contratación así como que tamén tivo coñecemento da necesidade de solicitar en prazo a prórroga en cuestión”.

Outro aspecto que “chirría” é o feito de que sexa Lara Méndez a que asine o decreto “excluíndose a si mesma da responsabilidade en cuestión, cando non só é a máxima responsable do goberno municipal, senón que, como alcaldesa se lle notifica persoalmente a necesidade de solicitar en prazo a prórroga da concesión” polo que se entende que “esta circunstancia é un claro indicio da participación de Méndez neste caso que lesiona os intereses da veciñanza de Lugo”.

Por todo esto desde el PP se solicita invalidar o procedemento e que a alcaldesa se absteña de participar en modo algún no expediente.

Responder

2 × 5 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies