Cultura

O PP propón inaugurar o novo auditorio de Magoi cun concerto de  tirón no San Froilán

By 10 Maio, 2022Sin comentarios

Os populares avanzan que se o bipartito quere que levemos propostas serias á Comisión de Festas convocada para mañá “antes debería detallarnos o modelo de patronais que ten en mente”

O PP acudirá á Comisión de Festas que está convocada para mañá con espírito constructivo pero manifestan o seu temor a que se repita “a matraca de todos os anos: invitación á mesa de cara á galería para logo deseñar unhas festas cutres e que cada vez van a menos”.

No PP pídenlle ao bipartito “que muden o sistema de traballo e que recuperen o modelo de Comisión de Festas aberta e participativa para que  o San Froilán sexa de novo unha festa de todos e non só da parte nacionalista do bipartito”.

Para os edís do PP, a alcaldesa de Lugo non debería permitir que “por intereses partidistas se acabe cunha das festas con máis tradición de Galicia”. “Non nos vale o argumento que cada parte do bigoberno ten unhas competencias, para o PP as patronais foron sempre unhas festas de todos e para todos”. “Se para o Caudal Fest, que é en setembro, xa está todo pechado que podemos esperar para o San Froilán do que nada se sabe ainda” pregúntanse os populares. “Esta ben fialo todo ao bo tempo e ás ganas de disfrutar dos lucenses”.

Entre as propostas que o PP achegará mañá á Comisión de Festas figura: axilizar a posta en marcha do novo Auditorio de Magoi para traer unha gran actuación de tirón; elección do pregoeiro ou pregoeira do San Froilán así como o da oferente do Domingo das mozas chegando a un consenso; dar un maior protagonismo á música das Bandas nos palcos, tanto da Praza Maior coma do Parque Rosalía de Castro, con invitación a agrupacións dos municipios da contorna; promover un festival de folclore no que se reúnan grupos de danza de Galicia y de toda España, así como programar actividades de mostra pública de todas as disciplinas deportivas diferentes (sobre todo as minoritarias).

Responder

5 × three =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies