Cultura

O  PP promociona a lectura creando unha biblioparada ao pé do auditorio de Magoi

By 23 Abril, 2021Sin comentarios

O voceiro do PP convidou a Lara Méndez e a Rubén Arroxo a participar nesta acción que consiste en “colocar libros nun treito da rede perimetral que rodea esta infraestructura cultural para poñelos a disposición dos veciños e veciñas de Lugo”

Co día do libro os concelleiros do Grupo Popular colocaron nun treito da rede perimetral do auditorio de Magoi varias decenas de libros simulando unha biblioparada. Ramón Carballo convidaba a todos os cidadáns a participar nesta acción “incluídos a alcaldesa e o vicealcalde” matizando que “se trata dun punto de intercambio de libros co obxecto de fomentar á lectura mentres agardamos a que PSOE e BNG abran esta instalación”.

Os populares fixeron esta acción na rúa na xornada na que se cumpren 304 días dende que o Concello de Lugo recibise de mans da Xunta de Galicia as chaves do auditorio, unha infraestructura na que se investiron máis de 20 M€.

O voceiro popular tamén aproveitou esta acción para tender a man á alcaldesa xa que “se quere abrir o auditorio logo do verán, tal e como prometeu hai uns días na visita que realizou a este edificio, o lóxico é saber decidir canto antes como vai xestionar esta dotación”. Por ese motivo, brindámonos para consensuar a estratexia e o modelo de xestión para conseguir unha programación estable e de nivel que fuxa da politización que caracteriza o que programa o BNG. Nese senso, o Grupo Popular pedirá unha reunión para clarificar o futuro do funcionamento deste equipamento cultural.

Esta acción no auditorio de Magoi coincide no día que se cumpren 10 meses dende a recepción do auditorio. Hai que lembrar que logo da presión exercida polo PP con dous actos reivindicativos previos a alcaldesa comprometeuse a abrir esta dotación á volta do verán.

Responder

2 + sixteen =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies