Os concelleiros populares piden que se realicen os traballos necesarios con celeridade xa que se trata dun punto polo que pasan a diario miles de vehículos e provoca riscos para a seguridade viaria
Os concelleiros do Grupo Municipal do Partido Popular no Concello de Lugo piden ao goberno local o arranxo urxente dun blandón de grandes dimensións que apareceu nos últimos días na rotonda da Avenida da Coruña.
Neste punto, polo que pasan miles de vehículos ao longo do día, as dificultades son evidentes tendo que reducir a velocidades os condutores xa que nalgún caso xa chegaron a dar cos baixos dos coches co asfalto, polo que urxe o arranxo deste blandón e tamén, que para evitar a aparición deste tipo de baches, cómpre realizar revisións periódicas do firme na cidade e realizar a reparación daquelas zonas nos que o chan presenta un maior deterioro.
