Servizos xerais

O PP pide ao goberno local unha alternativa dixital á tarxeta cidadá xa que non se expiden dende hai semanas

By 18 Xaneiro, 2022Sin comentarios

A concelleira do Grupo Municipal do PP Sagrario Sánchez fai esta proposta ante o atasco que se está a producir na entrega das tarxetas cidadáns aos lucenses debido a que a falta de previsión do goberno local o levou a non ter subministro

A concelleira do Grupo Municipal do Partido Popular no Concello de Lugo, Sagrario Sánchez, pide ao goberno local que traballe na creación dunha tarxeta cidadá dixital, ante o grave problema que hai nas dependencias municipais para expedir novas tarxetas.

A realidade é que dende mediados de decembro ningún cidadán pode ter unha nova tarxeta, xa que nin se emiten novas tarxetas, nin se substitúen as que se rouban ou extravían nin tampouco se poden cambiar as que funcionan incorrectamente. “A realidade é que o único que se pode facer é renovar as tarxetas bonificadas xa existentes e que os cidadáns entreguen a documentación coa que solicitan a tarxeta para cando haxa existencias”, sinalou.

Con esta situación, a realidade é que os usuarios con dereito a bonificación no transporte urbano (menores de 25 anos, universitarios, pensionistas, persoas desempregadas e con discapacidade) non poden facer uso do seu dereito á bonificación e teñen que pagar o billete de 0,64€.

Unha situación dada pola falta de previsión do goberno local que, ante a situación mundial de falta de subministros, non tivo a suficiente anticipación para adquirir suficientes tarxetas para non chegar a esta situación.

A realidade é que non se sabe cando chegarán os subministros, polo que hai que buscar solucións alternativas para facilitar a vida cotiá aos lucenses, de aí a petición realizada para que se habilite a tarxeta cidadá en formato dixital para poder levala no teléfono móbil e así, por exemplo, poder subir ao transporte urbano a un prezo máis axustado.

Ante esta situación, a concelleira popular anuncia que se vai a pedir acceso ao contrato de subministro das tarxetas, o número de cidadáns que presentaron a documentación e están agardando pola tarxeta e se haberá algunha alternativa para que os cidadáns afectados recuperen os cartos que están a pagar de máis por non poder ter unha tarxeta bonificada.

Responder

twelve + 13 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies