XOVES 16 DE NOVEMBRO DE 2023
- Mar Carballas destacou “a importancia dunha xestión eficaz dos recursos humanos na administración máis próxima ao cidadán” xa que “senón se cubren as vacantes, non funcionan os servizos, e iso repercute na atención final ao cidadán”
- Resulta indignante “que presuman de impulsar as ofertas de emprego público dos anos 2021 -2022 cando, no primeiro caso, está a punto de caducar e, no segundo, acumula máis dun ano de retraso (1)
- Na mesa de traballo explicaron que as súas son “peticións xa históricas, as mesmas que nos trasladaron na reunión celebrada o pasado mes de febreiro” lamentando o desinterese dos sucesivos gobernos socialistas nesta cuestión o que certifica que “para a alcaldesa e o seu socio nacionalista a xestión dos recursos humanos é unha asignatura esquecida”
- “A alcaldesa leva nove anos mirando para outro lado, restándolle importancia á xestión do persoal” engadindo que “botamos en falla un maior compromiso deste goberno á hora de axilizar a cobertura de vacantes”
- Entre as propostas que fixeron os representantes dos traballadores están “a aprobación dun regulamento do horario; carreira profesional; a posta en marcha de medidas para a conciliación en todos os departamentos, regular o teletraballo, e modificar regulamento de produtividade.
(1) As Ofertas Públicas de Emprego (OPE) deben aprobarse no prazo dun mes desde que se aproba o presuposto.
