Medio Ambiente

O PP insta á alcaldesa a que acabe coa problématica do Mercadiño de Frigsa

By 26 Xaneiro, 2016Xaneiro 29th, 2016Sin comentarios

A concelleira popular Ana López Pombo indicou que “si foi a alcaldesa quen deu a orde, mal feito por improvisar sen consensuar e, se non tivo nada que ver, ainda é peor porque é a responsable directa da Policía”

O GMPP lamenta que “por unha decisión improvisada da alcaldesa, tal e como ocorreu coa supresión da ORA,  se poña en risco a tradicional feira de Frigsa”. A concelleira popular Ana López Pombo indicou que “si foi a alcaldesa quen deu a orde, mal feito por improvisar sen consensuar, e se non tivo nada que ver ainda é peor porque é a responsable directa da Policía” matizou.

A concelleira do PP interpreta que “a situación xerada pola prohibición de aparcar vehículos xurde como consecuencia do descontrol, da falla de diálogo e da descoordinación que existe entre os membros do goberno local”.

A popular considera que o goberno socialista “traballa a golpe de imposicións” polo que insta ao goberno local a buscar solucións consensuadas cos vendedores ambulantes para evitar o desmantelamento do Mercadiño de Frigsa “xa que as compensacións, como eximir de pago de forma esporádica aos comerciantes, son parches que non contentan a ninguén”.

“Se hai que regular a zona de estacionamento  é necesario contar cos afectados porque as imposicións sempre resultan negativas”. “Cambiar as normas dun día para outro, sen un diálogo previo, cos afectados ten consecuencias como as que estamos a ver no Mercadiño de Frigsa” reflexionou López Pombo.

A popular manifestou que “é unha covardía escudarse na policía, que cumpre coa normativa” reclamando unha reorganizacion do recinto na que se determinen os espazos para a venta onde se permitan aparcar os vehículos”. Por último a popular anima aos socialistas a estudiar posibles “cambios na ordenanza para clarificar o regulamento dos estacionamentos dentro do recinto ferial e así evitar diferentes lecturas da normativa”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies