Antonio Ameijide denuncia que as mentiras de Rubén Arroxo nas últimas horas multiplicáronse xa afirmou que asinara o decreto de peche de ‘Las Palmeras’, algo que é falso xa que non figura nin no libro de decretos nin no servizo de actas; como que tampouco ten que ver no carril bici xa que el votou, en xunta de goberno, a favor da realización deste proxecto
Antonio Ameijide explica que no Grupo Municipal do Partido Popular desmontan as últimas mentiras de Rubén Arroxo e esixen ao vicealcalde que “deixe de mentir e traballe para solucionar os problemas dos lucenses”.
Antonio Ameijide explica que a primeira das mentiras que se desmonta ten que ver co carril bici. Rubén Arroxo afirma que non ten nada que ver co proxecto, pero non é menos certo que “o vicealcalde e os seus compañeiros do BNG votaron a favor, en xunta de goberno (xuño de 2020), de crear esta infraestrutura” xa que do contrario non se houbese construído, do mesmo xeito que votou en contra dunha proposición plenaria do PP (xuño de 2021) na que se pedía a paralización das obras do carril bici.
O concelleiro popular tamén fala das mentiras de Arroxo sobre o peche de ‘Las Palmeras’. Ameijide explica que “é falso” que o vicealcalde asinara o decreto de peche deste after. “Repasamos o libro de decretos varias veces e non aparece, polo que nos puxemos en contacto co servizo correspondente e afirmaron que non hai tal decreto, polo que Arroxo minte descaradamente”, explicou.
Ante esta situación, Ameijide reta a Arroxo a que faga público o decreto que presume de asinar, “algo que agradecerán todos os veciños do barrio”.
