Os populares lamentan o voto en contra do bigoberno a esta iniciativa o que certifica o seu desinterese neste eido, que fixo que Lugo pasase de ser unha urbe referencia a ser unha cidade con moitas eivas a corrixir para ser cada vez máis accesible
Lugo seguirá á cola das cidades máis accesibles, despois de que PSOE e BNG decidisen non apoiar unha proposta do Grupo Municipal Popular para mellorar nesta materia e así obter unha cidade máis inclusiva para todos.
Os populares consideran necesario que Lugo mellore e sexa máis accesible, para o que se pide realizar unha auditoría sobre a materia en Lugo para, xunto coas asociacións que traballan no eido da diversidade funcional, elaborar un catálogo de actuacións prioritarias no ámbito da accesibilidade e así poder establecer as actuación prioritarias a desenvolver dentro dun plan de acción cun cronograma de actuacións.
