Infraestruturas

O PP critica que Lara Méndez volva a dar as costas aos lucenses ao negarse a esixir o remate da autovía que une Lugo con Santiago

By 29 Setembro, 2022Sin comentarios

Antonio Ameijide lamenta que a rexedora non acompaña con feitos esa máxima da que sempre presume de que “reclamará infraestruturas en Madrid independentemente de quen goberne” tras ver como votou en contra de reclamar a finalización da conexión coa capital galega por autovía

Lara Méndez e o PSOE seguen a dar as costas a Lugo e aos lucenses tras negarse hoxe a reclamar ao goberno de Pedro Sánchez celeridade no remate da autovía A-54 que une Lugo con Santiago.

Antonio Ameijide critica que a rexedora “segue a dar as costas” a Lugo tras votar en contra desta petición, demostrando que “é mentira iso que sempre di a alcaldesa de que reclamará infraestruturas para Lugo independentemente de quen goberne en Madrid”.

O vicevoceiro popular recordou que o compromiso de gobernos do PP con Lugo sempre estivo presente ao recordar como dos 7 tramos abertos desta autovía, 6 realizáronse e inauguráronse baixo un goberno do PP en España, e o restante construíuse tamén no goberno de Mariano Rajoy e preparado para ser inaugurado trala moción de censura de 2018.

“Por se quedaba algunha dúbida o PSOE traballa contra Lugo e contra a provincia e hoxe o deixaron de novo patente”, indicou, recordando outras moitas necesidades como maiores inversións en ferrocarril para que chegue a alta velocidade a Lugo ou mesmo a A-56 de Lugo a Ourense “totalmente esquecida” por Pedro Sánchez. “So queremos que Lugo sexa un Lugo de oportunidades pero o PSOE dende Madrid, apoiado polo de Lugo, fai todo o posible para que non sexa así”, finalizou.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies