O GarañónUrbanismo

O PP anuncia que a reunión de onte “non será o último paso” para evitar pagar polo Garañón

By 7 Marzo, 2017Sin comentarios

 Jaime Castiñeira lamenta que “a alcaldesa siga empeñada en defender os intereses dos seus padriños políticos López Orozco e Gómez Besteiro en lugar de velar polos dos lugueses” e ve “inxustificable” que non informara do seu encontro co promotor

O voceiro do Grupo Municipal do Partido Popular no Concello de Lugo, Jaime Castiñeira, anuncia que a reunión que mantiveron onte os cinco grupos políticos da oposición “non será o último paso que deamos para intentar, por todos os medios, evitar pagar polo Garañón”.

Nesa liña, o popular advirte á alcaldesa de que “se continúa instalada na súa decisión de non convocar a Comisión monográfica á que a obriga un acordo plenario de xullo de 2015 a iniciativa do PP, terá que asumir a súa responsabilidade”. Así, “se nunha semana non hai avances, daremos pasos firmes e tomaremos as medidas oportunas para defender aos lugueses”, avisa o voceiro popular, quen incide en que “como xa dixemos, a alcaldesa segue empeñada en defender os intereses dos seus padriños políticos, López Orozco e Gómez Besteiro, en lugar de velar polos dos lugueses”. “Que 17 dos 25 concelleiros se posicionen ao carón dos lugueses é positivo, sobre todo cando os oito edís do goberno continúan a estar no bando do promotor”, valora, ao tempo que reprocha á alcaldesa que “nin sequera informara da celebración e dos contidos da súa reunión co promotor, que coñecemos hoxe a través dos medios”.

Agradecemento aos outros grupos.-

Por outra banda, Jaime Castiñeira quere agradecer a “altura de miras e a conciencia” que amosaron os outros catro grupos políticos da oposición ao amosar “a nosa unanimidade” na necesidade de abordar “todos cantos mecanismos poida haber para non ter que asumir o derribo e indemnizacións polo Garañón”, como reflectían os acordos plenarios que promoveu o Partido Popular na sesión do 30 de xullo de 2015 e na do 26 de xaneiro de 2017. “Está claro, e así o demostrou, que a alcaldesa prefire pagar co diñeiro de todos os lugueses en lugar de que o asuman os verdadeiros responsables, que son os seus compañeiros de partido”, asegura.

“Nós seguiremos insistindo en que hai que revisar ata a última coma do convenio para evitar, por todos os medios, que haxa que asumir ningunha indemnización”, conclúe. 

Responder

thirteen − 2 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies