Urbanismo

O PP afirma que Lara Méndez non executará a demolición nin a indemnización millonaria do Garañón neste mandato

By 19 Novembro, 2021Sin comentarios

O vicevoceiro do Grupo Municipal do PP Antonio Ameijide explica que despois das respostas dadas na comisión desta mañá polos concelleiros socialistas, están na fase 1 das seis nas que dixeron que se dividía o proceso de demolición do maior expoñente do urbanismo ilegal e á carta do PSOE de Lugo

Dende o PP amosaron a súa preocupación tras anos dende que Lara Méndez anunciase a zona verde no Garañón, seguen sen saber ou desvelar o custe da demolición das torres da vergoña e sobre todo cantas ducias de millóns de € pensan pagar de indemnización pola licencia ilegal dada polo PSOE.

Antonio Ameijide critica que Paula Alvarellos urxa ao PP a solicitar por escrito unha xuntanza para coñecer datos máis concretos cando este grupo está agardando dende o 27 de outubro por unha xuntanza con Lara Méndez para avanzar en materia urbanística.

Para Ameijide a petición de Alvarellos certifica que as descoordinacións no goberno local non quedan só entre PSOE e BNG senón que Lara Méndez e a concelleira de economía non se deben nin dirixir a palabra, do contrario non convidaría a pedir unha xuntanza que levamos tres semanas agardando.

O popular explica que para poder realizar a zona verde no Garañón é preciso modificar o PXOM, trámites que o goberno local non ten data de inicio e moito menos de fin.

Antonio Ameijide afea ao goberno local a negativa a aportar datos concretos sobre a situación na que se atopa o proceso de demolición do Garañón, escudándose en xeneralidades e en que o proceso o está a realizar unha empresa externa ao Concello.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies