Cultura

O PP afirma que “ao ritmo da alcaldesa” Lugo non recuperará a fonte de San Vicente ata despois do verán

By 27 Xaneiro, 2017Sin comentarios

 O voceiro do Grupo Popular Jaime Castiñeira afirma que “é un pronóstico do máis optimista” tendo en conta que, antes de proceder á restauración da fonte da Praza do Campo, o goberno local debe redactar un estudo técnico que debe informar a Consellería de Cultura

O voceiro do Grupo Municipal do Partido Popular no Concello de Lugo, Jaime Castiñeira, criticou “a pasividade do goberno socialista e ausencia de pasos dados para restaurar, nun tempo razoable, a fonte de San Vicente da Praza do Campo”.

Castiñeira asegurou que “o absoluto desinterese” do PSOE por rehabilitar este conxunto histórico vai retrasar a reparación desta peza destrozada polos vándalos hai case mes e medio. O popular pronostica que “o santo non vai recuperar a cabeza ata, como pronto, despois do verán”. Esta afirmación do voceiro popular ten como base o procedemento que se precisa para restaurar este elemento arquitectónico criticando que “o goberno local debe redactar o estudo técnico que logo debe informar á Consellería de Cultura”.

Castiñeira explicaba que “neste momento non hai ningún documento preparado” salientando que “a parsimonia do PSOE, que xa é criticable o é ainda máis se temos en conta que para que empecen os traballos de reparación da fonte o proxecto técnico debe contemplar un plan de restauración do conxunto histórico do que forma parte” engadindo que “a intervención que programe o Concello deberá contar co visto bo da Consellería de Cultura”. O voceiro popular manifestou que toda esta tramitación conleva unha serie de prazos indicando que “é lamentable que a parte que lle toca realizar ao Concello, por despreocupación, non se está a facer”.

Lembrar que os populares presentaron  unha batería de preguntas para clarificar se o San Vicente é recuperable na súa totalidade, os custes da restauración así como o prazo estimativo para a súa recuperación.  Para os populares urxe axilizar a reparación deste elemento arquitectónico que  “constitúe un dos principais reclamos turísticos da cidade”. Castiñeira indicou que Lugo presume deste conxunto artístico-histórico nas diferentes publicacións e guías que se editan dende diferentes institucións matizando que “a súa recuperación é moi necesaria polo incalculable valor que ten, non só arquitectónico senón tamén sentimental, xa que está situado nunha das prazas máis emblemáticas do casco histórico”. 

Responder

19 + 19 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies