EconomíaInfraestructurasMedio Ambiente

El PP ve un disparate pagar 100.000 €/año de luz para calentar el agua de las charcas de la alcaldesa en el Miño

By 17 enero, 2022No Comments

El vicevoceiro del Grupo Popular Antonio Ameijide lamenta que Lara Méndez despilfarre un millón de euros en estas bañeras colectivas y recrimina a la alcaldesa que “impulse otro proyecto sin sentido, sin contar a estas alturas ni con un mínimo estudio de explotación o una estimación de los costes de personal, vigilancia o consumo”

O Partido Popular advirte que as 6 pozas de auga da billa que está construíndo a alcaldesa de Lugo á beira do Miño vannos saír moi caras aos lucenses. O vicevoceiro popular Antonio Ameijide explicou que “a estimación que fixemos para climatizar estas pozas apunta a que teremos que pagar unha factura anual de luz de 100.000€”. Esta cifra calculámola logo de consultar a expertos nesta materia é en base á potencia de 140.000 watios que, segundo o proxecto, será necesaria para quentar a auga destas pozas.

Á vista deste dato, o vicevoceiro popular Antonio Ameijide,  ademais de considerar un despilfarro o millón de euros que se destina a estas bañeiras colectivas, afirma que o seu mantemento futuro suporá un novo lastre para a economía local. “Aos 100.000 € de luz hai que sumar outros 300.000 ou 400.000 € para contratar ao persoal, a limpeza, seguridade, mantemento da zona verde e seguros” matizando que “se se deciden por privatizar a súa xestión tamén haberá que asumir o sobrecuste do beneficio empresarial que obterá a empresa”.

Os populares tamén cuestionaron o “espírito verde desta infraestructura” xa que “nunha zona fría como é Lugo a climatización por aerotermia neste tipo de infraestructuras é máis que cuestionable” e apuntan que “será necesario tirar exclusivamente de electricidade o que suporá unha factura importante de mantemento a final de cada mes”. Ameijide razoaba que “maquillar de ecolóxico este proxecto ou vendelo como outro eslavón do Green Vancouver de Lugo supón unha nova tomadura de pelo aos veciños e veciñas lucenses”. Para o vicevoceiro popular “estamos diante doutra proba máis de que as pozas do Miño son un proxecto sen sentido” e demostran que “Lara Méndez non coñece Lugo, e tira os cartos de todos que se poderían empregar en montar unha praia pública gratuíta no Miño para toda a veciñanza”.

O Partido popular espera que na comisión que se celebra esta semana o goberno local informe sobre os estudos de custes dos consumos de luz e auga, os gastos de persoal, de seguridade e de limpeza que suporá a posta en marcha desta infraestructura xa que “levamos meses reclamando estes datos sen resultados o que resulta preocupante porque ou ben non saben que modelo van a seguir para a explotación destas Caldas, ou ben saben que vai ser unha hipoteca máis para os lucenses e prefiren ocultar as cifras dos gastos”.

Responder

3 × 4 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies