Zona Rural

El PP urge el arreglo inmediato de varias pistas en mal estado en Anguieiro y Paredes

By 26 enero, 2021No Comments

El concejal popular Manuel López explica que las pistas de Anguieiro y Paredes presentan un estado lamentable debido a la dejadez del gobierno local ya que hace meses que se avisó de las deficiencias de estas vías y desde lo bigoberno no hicieron nada lo que provocó que los baches y hundimientos de estas vías crecieran provocando un serio riesgo para circulación

O concelleiro do Grupo Municipal do Partido Popular no Concello de Lugo recorda ao goberno local a súa obriga de ter en boas condicións as estradas de titularidade municipal, tanto as que se atopan no entorno urbano coma nas parroquias do rural, sobre todo estas últimas xa que moitas peticións para arranxar baches nas diferentes parroquias non se atenderon e agora dificultan a circulación aos veciños.

Un dos casos aos que fai referencia Manuel López é unha pista de Anguieiro, na parroquia de Santo André de Castro en Conturiz, cuxas deficiencias xa se denunciaron no mes de novembro, pero que o goberno local non quixo escoitar. O resultado é que agora as eivas que presentaba empeoraron dificultando moito a circulación aos veciños, volvéndoa en moitos casos perigosa. “O quilómetro de lonxitude desta vía, que da acceso a unha trintena de vivendas, é un verdadeiro perigo”, sinalou.

O popular recorda que esta pista amosa un estado “lamentable” especialmente nos seus primeiros 500 metros, xa que “hai constantes afundimentos” ao longo da canalización de saneamento, polo que complica en gran medida o tráfico rodado.

Manuel López achegouse de novo ata esta zona para comprobar in situ as reivindicacións dos veciños e constatou o “deficiente estado” do asfalto, polo que os coches teñen serias dificultades para circular, provocando que en ocasións “vaian polas cunetas”, sendo un verdadeiro perigo para a seguridade viaria.

Pero a situación non mellora ao desprazarse uns poucos metros, xa que nesta mesma pista, pero xa no lugar de Paredes, na parroquia de San Pedro Fiz en Muxa, a situación é idéntica. A pista presenta unhas deficiencias alarmantes que case impiden a circulación, chegando, en moitas ocasións a ter que deter os condutores os seus vehículos para pasar a unha velocidade mínima xa que xa se produciron varios accidentes e danos nos coches.

Unha situación ante a que o concelleiro popular di que se presentará de novo unha iniciativa en comisión para que se revise “sen demora e de xeito urxente” estas pistas para buscar a orixe destes problemas e así poñer unha solución definitiva para garantir a seguridade dos veciños.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies