Infraestructurastransparencia

El PP pregunta a Lara Méndez que esconde en la Fábrica de la Luz para seguir denegando la entrada al grupo mayoritario de la corporación

By 18 enero, 2021No Comments

El concejal del Grupo Municipal del PP Antonio Ameijide recuerda que los principales cargos políticos implicados en los suceso que tuvieron lugar en la Fábrica de la Luz son el ex edil Daniel Piñeiro, como responsable de esta infraestructura, y Lara Méndez, como alcaldesa y persona a la que la Confederación Hidrográfica Miño-Sil enviaba las notificaciones pidiendo que se iniciaran los trámites necesarios para evitar la caducidad de las obras

Os concelleiros do Grupo Municipal do Partido Popular viron hoxe como a transparencia do bigoberno do Concello de Lugo volveu a brillar pola súa ausencia ao denegar a entrada dos edís populares na Fábrica da Luz para comprobar o estado no que se atopa esta instalación.

Antonio Ameijide lamentou a nova negativa de Lara Méndez e todo o seu equipo de goberno e lle preguntou á rexedora que ten que ocultar na Fábrica da Luz para ser “tan hermética” con esta dotación ao negar a cargos electos por todos os lucenses a súa entrada nunha instalación municipal.

Desde o Grupo Municipal do Partido Popular se solicitou o acceso á Fábrica da Luz para comprobar o seu estado, así como para comprobar o material que se restaurou hai dúas décadas no seu interior e que podería estar nun estado nefasto debido aos constantes saqueos que esta instalación municipal sufriu nos últimos anos.

O popular lamenta o veto de entrada xa que “é preciso” comprobar o estado do interior do edificio e saber se nel están as turbinas que teñen un valor, segundo a sentencia xudicial, de 724.090,24€. “Ter elementos dese valor nun edificio abandonado e sen vixilancia é moi grave. Non entendemos a negativa a nosa entrada, seguramente teñan algo grave que ocultar”, sinalou.

Para o vicevoceiro popular esta situación comeza a ser preocupante xa que estamos ante un goberno que “presume da súa transparencia” pero que segue a poñer trabas ou mesmo a negar o traballo de fiscalización e control da oposición.

Ameijide sinala que estamos nun momento complicado para todos os lucenses debido a situación xerada na Fábrica da Luz pola desidia  e neglixencia dos diferentes gobernos e cargos socialistas. “Vimos de coñecer hai poucas semanas que a segunda sentenza xudicial na Fábrica da Luz nos condena a todos os lucenses a pagar unhas indemnización de 2.5M€ á empresa concesionaria pola neglixencia do goberno local e o bigoberno segue sen reaccionar”, afirmou.

O edil popular explica que o camiño tomado por socialistas e nacionalistas, de dilatar no tempo o pago desta indemnización, so leva a aumentar esta cifra xa que cada mes que se demore o pago a cifra aumentará en 8.000€ en concepto de intereses de demora.

Unha situación que tamén vai da man da decisión de Lara Méndez de seguir sen iniciar o expediente para que o Concello de Lugo reclame de oficio, por vía administrativa, a responsabilidade dos políticos socialistas responsables da situación da Fábrica da Luz, un camiño que se tomou por unanimidade no pleno tras unha iniciativa do PP para que sexan os políticos responsables os que paguen os 2.5M€ de indemnización aos que lles condenou a xustiza.

Para o concelleiro popular, seguramente Lara Méndez non iniciou o expediente debido a que ela mesma é unha das principais responsables desta situación xa que como rexedora é a persoa á que a Confederación Hidrográfica Miño-Sil enviaba notificacións pedindo que se iniciasen os trámites necesarios para evitar a caducidade das obras.

No Grupo Municipal do Partido Popular tampouco se esquecen de que non se debería de renunciar aos dereitos de explotación que perderon os socialistas por non firmar, en tempo e forma, a solicitude de concesión de prórroga, así como por outros fallos na tramitación.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies