Economía

El PP pide al pleno que defienda a los trabajadores de Correos y la gran labor que realizan como elemento vertebrador del territorio

By 21 mayo, 2021No Comments

El concejal del Grupo Municipal del PP Manuel López defiende que Correos juega un indudable papel para contribuir a la cohesión social, territorial y económica del país, por lo que urge que el Ayuntamiento de Lugo inste a las entidades correspondientes a que adopten las medidas necesarias para garantizar la prestación de los servicios postales y su permanencia en el municipio

Correos xoga un indubidable papel para contribuír á cohesión social, territorial e económica do país, a nivel estatal, autonómico e, sobre todo, no ámbito municipal, percorrendo e atendendo diariamente todas as localidades e municipios do Estado, garantindo a prestación dun servicio público á cidadanía, empresas e administracións na totalidade dos núcleos de poboación, á marxe da súa rendibilidade económica.

É por iso que o concelleiro popular Manuel López sinala que o seu grupo defenderá no vindeiro pleno unha iniciativa para que o Concello de Lugo inste ás entidades correspondentes para que adopten medidas, que entendemos necesarias, para garantir a prestación dos servicios postais e a súa permanencia neste Municipio de Lugo.

O popular sinala que tralos últimos acontecementos vémonos na obriga de defender esta proposta xa que urxe afrontar dilixentemente a cobertura dos postos estructurais suprimidos na unidade de reparto de Lugo, que son necesarios para ofrecer un servicio de calidade á cidadanía.

Tamén cómpre manter a calidade das condicións laborais, garantindo unha plantilla con suficientes traballadores e traballadoras e que se garantan os compromisos de financiamento que permitan na nosa localidade, cumprindo os parámetros de calidade determinados pola Lei, se asegure que todos os cidadáns reciban o reparto de correspondencia 5 días á semana como se establece na Directiva Postal europea.

Manuel López pon sobre a mesa unha serie de datos que falan ás claras da importancia do servicio postal, que atende a máis de 8.000 municipios, 16 millóns de fogares, 3.2 millóns de empresas e un total de 7.100 puntos de atención no ámbito rural (carteiros/ as rurais e oficinas) e máis de 100.000 quilómetros diarios.

Os Servizos Postais son un valor arraigado na vida social dos municipios dende a prestación dun Servicio Público, contribuíndo ao desenvolvemento económico dos mesmos, facilitando e dando accesibilidade ao dereito de cidadáns, comercios, empresas e administracións a dispoñer dun servicio postal a prezo alcanzable e de calidade. “Pero coas actuais políticas estratéxicas e de xestión da Dirección de Correos este dereito estase limitando”, sinalou.

O concelleiro popular refírese a que en Lugo, Correos suprimiu 3 postos de traballo, quedando 44 carteiros na zona urbana. Pola súa banda, os carteiros rurais do Concello de Lugo, viron incrementada a súa carga de traballo derivada da absorción de servicio pola supresión dunha praza do Concello de O Corgo. Sen esquecer que a empresa pública está a levar a cabo un recorte na contratación que está a deixar sen cubrir o emprego estrutural así como os permisos e calquera tipo de ausencia dos traballadores e traballadoras.

Como consecuencia desta decisión, con toda seguridade, os servicios de distribución postal prestados ata o de agora nestas unidades de repartición baixarán a súa calidade, co consecuente prexuízo para os cidadáns e empresarios de Lugo.

Responder

quince + cuatro =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies