EconomíaInfraestructurastransparencia

El PP dice que revender las turbinas de la Fábrica de la Luz “es un farol” ya que están hechas a medida para el espacio y las condiciones del salto

By 5 mayo, 2022No Comments

El PP informará mañana de las acciones que va a emprender para evitar que los lucenses paguen la sangría de dinero que nos cuesta la mala gestión de Lara Méndez en la Fábrica de la Luz tras conocerse el cuarto palo judicial que obliga al Ayuntamiento a pagar los últimos 95.400 € de la indemnización a la empresa concesionaria

O Partido Popular informará mañá venres das accións que estime oportunas con respecto á “mala praxe” na concesión da Fábrica da Luz. O vicevoceiro popular explica que a situación, que se deriva da cascada de despropósitos nesta infraestructura municipal, é moi lesiva para o peto dos lucenses.

“Xa imos no cuarto pau xudicial”, matiza Ameijide, argumentando que o último capítulo desta crónica é que “teremos que pagar intereses polo feito de non ter ingresado, antes do 1 de marzo de 2022, o importe completo da indemnización de 2,4M€ á empresa concesionaria”

Os populares afirman que “a alcaldesa enrocouse en negarse a pagar os 95.400€ do terceiro pago desta indemnización xustificándoo en que faltaban os tubos de aspiración da auga do río. O popular aclara que “estas pezas non se entregaron porque Inca non puido tomar as medidas xa que o goberno local non lle permitiu o acceso ás instalacións”.

Outra carga que nos deixa “o que foi un dos negocios máis ruinosos dos gobernos socialistas” é que trala renuncia do Concello á concesión temos que asumir uns equipos valorados en máis de 700.000 € que foron feitos a medida para o espazo e as condicións do salto de auga da Fábrica da Luz e que “sería practicamente imposible adaptar a outras instalacións”. Precisamente, estas dúas turbinas nos están dando gastos de almacenaxe dende o pasado mes de marzo “pagamos 1.400 € mensuais por telas depositadas nunha nave do polígono de O Corgo”.

Sobre a resposta do goberno de que vai revender as turbinas, o PP  cualifícaa de “farol” e ve no anuncio do goberno local “unha fuxida cara adiante” xa que saben perfectamente que non teñen valor no mercado ao construírse en función do espazo e do caudal e presión que ían recibir”

Ameijide concluía que despois de ter que pagar 2,4 M€ en concepto de indemnización, o único os lucenses teñen é un edificio en ruínas á beira do Miño e unhas turbinas de 700.000€ almacenadas nunha nave do polígono de O Corgo cuxo aluguer suma á factura deste despropósito outros 1.400 € ao mes.

O vicevoceiro popular pon riba da mesa a proposta de “negociar coa Confederación Hidrográfica Miño Sil a recuperación da concesión da explotación do río e producir enerxía co obxecto de abaratar os 11M€ que pagaremos de luz no concello de Lugo en 2022”.

Ameijide explicou que “recuperar o permiso de explotación que perdeu Lara é a peza que falta do puzzle” manifestando que “resulta unha tomadura de pelo que non se impulsen proxectos de enerxía renovable, como é o caso de crear a central hidroeléctrica na Fábrica da luz, e a uns 50 metros se monten unhas caldas con xeradores 140.000 watios de potencia eléctrica para a maquinaria que se vai instalar para quentar a auga da billa das Caldas”.

Responder

uno × dos =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies