Los populares afirman que la negativa de Álvaro Santos a facilitar los datos de licencias pendientes en la comisión se debe la que hay cientos de expedientes pendientes de tramitar y que certificaría el fracaso de la gestión del gobierno de Lara Méndez
Os concelleiros do Grupo Municipal do Partido Popular denuncian a negativa de hoxe do goberno local a responder as preguntas dos populares sobre o número de solicitudes de licenza pendentes de resolver no Concello de Lugo, a pesar de que a comisión é o órgano no que os membros do goberno local teñen que responder as cuestións formuladas polos grupos municipais.
Os concelleiros populares denuncian que o responsable de Urbanismo afirmou na comisión desta mañá que non respondería as preguntas do PP xa que, segundo afirmou o propio edil, “os concelleiros do PP teñen que facer o seu traballo e ir ao servizo correspondente a obter os datos dos propios funcionarios”.
Ante esta afirmación, os concelleiros populares presentes na comisión achegáronse ata o servizo correspondente, tendo como resposta “que volveran o luns”.
Para os populares, a postura tomada polo responsable de Urbanismo “é totalmente inaceptable” xa que, en aras á transparencia, “o goberno local debe facilitar os datos que se lle solicitan e responder ás preguntas que se formulan”.
Para os populares, a postura do goberno local débese a que son conscientes de que hai centos de solicitudes pendentes de resolver no servizo o que certificaría “o fracaso” da xestión do goberno de Lara Méndez á fronte da área de Urbanismo.
Neste senso, os populares sinalan que esta semana, á xunta de goberno local unicamente se levaron tres peticións de licenza, a pesar de que en Lugo a espera media é de 428 días, no eido urbano, e de 590 días, na zona rural.
