Los populares aseguran que el abandono de este edificio es otro símbolo más de la incapacidad de gestión de la alcaldesa de Lugo ya que “no hay disculpas para explicar por qué empezamos el año 2022 sin saber nada de las obras de reparación prometidas, que cuando empiecen ya irán con retraso”
Os concelleiros do Grupo Popular de Lugo recriminaron hoxe que “a alcaldesa atrasa a visita que solicitamos ao Auditorio de Magoi co único obxectivo de gañar tempo” matizando que “Lara Méndez aínda non empezou coas prometidas obras de reparación e xa vai con atraso”.
Dende o PP tamén amosan o seu malestar “non só porque aprazan, outra vez máis, a visita ao interior do inmoble senón porque, por riba, limitan o número de persoas da visita”. “Parece absurdo que nunha instalación preparada para que entren miles de lucenses só permitan que vaiamos dous concelleiros, aí é onde se destapa o ramalazo dictatorial da alcaldesa do que é cómplice o seu socio de goberno o BNG” matizaba o voceiro popular.
Os populares pediron en varias ocasións acceder a esta dotación cultural pechada e sen uso (novembro, decembro e xaneiro). As contestacións que recibimos foron o pasado mes de novembro na que indicaban que “os funcionarios encargados de tales tarefas tiñan a súa axenda comprometida” e á última petición manifestaron que non podían ir por “imposibilidade de técnico competente”.
O PP asegura que “no culebrón do auditorio de Magoi a única realidade que ven todos os veciños e veciñas de Lugo é a incompetencia de Lara Méndez que incumpre a palabra dada de que teríamos un novo auditorio tralo verán e, polas trazas que levan, moito nos tememos que tampouco serán capaces de abrir as súas portas para o próximo verán”. “Todo apunta a que PSOE e BNG están dilatando a propósito a posta en funcionamento do Auditorio de Magoi porque prefiren dedicar o diñeiro as súas corruptelas como por exemplo na contratación de agrupacións culturais afíns” reflexionaba Ramón Carballo.
Con respecto a situación do entorno desta dotación cultural piden un pronunciamento claro “se estiman que é perigoso entrar deberían reparar o peche perimetral en condicións, e sinalizar a prohibición de acceder; en caso contrario solicitamos que abran a zona para que os veciños poidan utilizar as prazas gañando novos espazos públicos no barrio”.
