Sin categoríatransparencia

Castiñeira afirma que en el año e medio de Lara seguimos “a la deriva, improvisando y perdiendo oportunidades”

By 22 diciembre, 2016No Comments

El portavoz popular presentó, durante el Debate del Estado de la Ciudad, una batería de propuestas de modelo de ciudad enmarcadas en el programa Reactiva Lugo “situando como eje de esta intervención el parque periurbano Miño Rato y el trazado de itinerarios peatonales que crucen el casco urbano de norte a sur y de este a oeste”

O voceiro do Grupo Popular Jaime Castiñeira cualificou esta tarde no Debate do Estado da Cidade de “tempo perdido e de seguir a deriva” en alusión ao ano e medio do equipo socialista do Concello de Lugo. O popular salientou que “cando un non sabe a onde ir é difícil chegar á meta” matizando que  “iso é o que lle pasa ao goberno de Lara, non ten un modelo de cidade e toma decisións a golpe de improvisación, perdendo oportunidades para situar a Lugo no lugar que merece”.

 No seu discurso Castiñeira puxo o acento na situación de desgoberno que hai no Concello onde “urxe unha reorganización e reestructuración dos servizos municipais”. “É preocupante que cada vez haxa máis desconfianza cara a administración local e motivos non lles fallan” aludindo “os 10 anos que levan agardando os veciños do Sagrado Corazón polo ascensor; os 17 anos para que o Concello entregue aos veciños da Croa as escrituras das súas vivendas; o ano e medio de media de espera por un vado; o ano para que os proxectos de obra maior pasen a primeira revisión ou os cheques sen fondos de emerxencia social”

O voceiro dos populares ironizou coa cantinela da alcaldesa de “culpar a Montoro ata da ausencia de campañas de desratización  en Lugo”. Castiñeira pediu autocrítica á alcaldesa xa que “o furor privatizador do seu antecesor, ao que vostede non puxo coto está pasando factura aos lucenses que pagan por servizos deficitarios como o da grúa”. Outra consecuencia da falta de xestión son as numerosas empresas que traballan para o Concello sen contrarto en vigor, así como o desmantelamento progresivo dalgúns servizos como o de augas e o electromecánico”. Castiñeira subliñou que “non pararon ata asfixiar a estes departamentos provocando o caos na lectura de contadores e os retrasos en pago de facturas que acabaron en cortes de luz en edificios públicos”.  “Aquí o que hai é un déficit de xestión e non un déficit económico” concluíu Castiñeira.

 Jaime Castiñeira incidiu esta tarde durante o Debate do Estado do Municipio na parálise na que está inmersa o  Concello de Lugo “con actuacións que un ano máis seguen pendentes”. “O novo modelo de transporte segue a ser un espexismo e tampouco chegan as solución saos problemas de aparcamento da cidade”, matizou.

Durante o seu discurso o popular tamén aludiu á falta de avances proxectos urbanísticos que seguen bloqueados. “Non sabemos nada do PEPRI, nin dos Plans Especiais de Ordenación de Núcleos Rurais,  nin do desenvolvemento de urbanizables como o do entorno do Hula ou a Louzaneta. E xa non digamos do eterno PXOM.  É sorprendente que descoñezamos as posibilidades para evitar que tengamos que asumir indemnizacións polas licenzas que concedeu o PSOE para a urbanización do Garañón. Se nos imos ao barrio da Piringalla alí segue oxidándose o esqueleto da prometida biblioteca; pasan os anos e nin ascensor do Sagrado Corazón, nin ascensor de Fontiñas e por nin que dicir sobre os retrasos que acumulan as obras do Plan Urban. Nin tan sequera foron capaces de adquirir nin un só metro cadrado para completar o parque urbano Miño Rato e xa vai para o seu terceiro verán e nada se sabe da prometida praia fluvial”.

O voceiro popular tamén presentou unha batería de propostas englobadas no programa “reactiva Lugo”  para que 2017 sexa un ano distinto. Os populares queren  achegar á cidade ao Miño e colocar o parque periurbano Miño Rato como  eixo de oportunidade e de actividade sociocultural para elo propoñen dar uso aos edificios abandonados polo goberno como a vella potabilizadora, a vella EDAR así como crear unha zona de multideporte no entorno da Feira Exposición, instalar bases para bicicletas. Tamén incidiu en deseñar intervencións que vinculen físicamente o casco urbano co Miño deseñando itinerarios peonís e carrís bici ao longo do municipio. A creación dunha rede de espazos verdes que contemplen non só os equipamentos existentes senon tamén o acondicionamento de parcelas municipais en desuso para o disfrute dos lucenses; impulsar intervencións que permitan usar dotacións públicas durante todo o ano (a cuberta da piscina exterior Frigsa, cobertura dos parque infantil de Augas Férreas e Agro do Rolo). A posta en valor do patrimonio lucense con proxectos de mellora ambiental no entorno da muralla e do camiño primitivo.  En materia de Servizos Sociais propoñemos un pacto contra a exclusión e a pobreza e un paquete de actuacións en materia de accesibilidade, maiores e dependencia.

Castiñeira rematou reclamando ao goberno socialista “prudencia para non arruinar o presente con decisións improvisadas e consenso  para encarar o futuro e conseguir que en 2017 haxa un cambio radical que devolva a confianza dos lucenses na administración más cercana”.

Responder

siete + 10 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies