O Partido Popular sumouse o pasado venres ao malestar dos veciños de Coeses que estaban indignados porque o bigoberno comunicáballes ás 14.00 horas do día anterior á festa que non podían celebrala pese a que no último decreto da Xunta, con data do venres , 16 de xullo, lles permitía este tipo de celebracións.
O concelleiro popular Manuel López recriminou que Rubén Arroxo “por decreto” lles informase con tan pouco tempo “desta decisión e lle pedía ao vicealcalde que xustificase “en que criterio se baseaba para adoptar esa medida”. A presión veciñal xunto coa denuncia pública que fixo o Grupo Popular obrigou ao tenente de alcalde nacionalista a dar marcha atrás e a emitir un segundo decreto ás 20.32 no que aprobaba o festexo.
Aos populares parécelles “moi grave” que Rubén Arroxo “non se enterase da normativa vixente e provocase malestar e molestias aos veciños que tiveron que dar orde de retirar os bares da festa e rescindir os contratos coas orquestras ainda que logo a raiz da autorización recuperaron a infraestructra e actuacións previstas”.
Os populares entenden que o goberno local debe velar para garantir a seguridade lamentanto que “o bigoberno de Lugo enrrede sen motivo xerando confusión e caos nun tema que estaba moi claro” engadindo que o primeiro decreto que asinou o vicealcalde nacionalista baseabase nunha normativa desactualizada”.
