Unha vez máis asistimos ao ridículo máis absoluto do goberno de Lara Méndez que hai uns días montaba un teatrillo para gañar un titular e tentar, outra vez, enganar aos lucenses
Para o Partido Popular “tirar o Garañón non é ningún éxito porque a licenza dada por Besteiro e os seus compañeiros de corporación do PSOE está a custarnos, ademais de moitos desgustos, moito diñeiro a todos os veciños e veciñas”.
Á parte dos 600.000€ que nos custará o derrubamento das torres, estímase que unha vez que se tiren os edificios das costas do parque cada lucense teremos que pagar, do noso peto, máis de 200€ por cabeza en concepto de indemnización ao promotor que pide máis de 20M€ pola licenza ilegal que lle deu o PSOE.
É unha desgraza para Lugo que o señor Besteiro dese a licenza das torres do Garañón o último día de ano, en fin de semana, cando ao día seguinte entraba en vigor a Lei do chan que reduciría a edificabilidade e rendibilidade á operación urbanística.
Estamos ante un novo capítulo do maior desastre urbanístico de Lugo e esta última noticia confirma “o engano sen precedentes aos lucenses por parte da alcaldesa de Lugo” poñendo en evidencia que as decisións dos socialistas en materia urbanística e a súa política á carta déixannos herdanzas envelenadas como estas.
