Lugo en marcha

Ramón Carballo rebaixará impostos e captará e bonificará a empresas e emprendedores para que se implanten no municipio

By 22 Maio, 2019Maio 23rd, 2019Sin comentarios

Dentro das medidas do Lugo en marcha co emprego e o emprendemento preséntase un programa de captación de inversores para que se implanten empresas en Lugo xa que “a nosa prioridade é a creación de emprego de calidade e a protección dos postos de traballo que xa existen”

O candidato do Partido Popular de Lugo participou hoxe nun reparto, porta a porta, no Ceao. Ramón Carballo explicou aos traballadores e empresarios do polígono unha serie de medidas cuxo fin é sentar as bases para que emprendedores e empresarios poidan xerar emprego en Lugo xa que “a prioridade do Partido Popular é a creación de emprego de calidade e a protección dos postos de traballo que xa existen”.

Para Carballo “é necesaria unha campaña de promoción dos polígonos industriais para impulsar a economía e o emprego local e Plan de mantemento das zonas industriais para que sexan máis atractivas e cómodas para investir, traballar e comprar. Por iso é necesario un transporte público adecuado, mellorar a recollida de lixo, a sinalización e a seguridade (cámaras del Ceao sen conectar a día de hoxe) ….

Ramón Carballo ten claro que hai que acabar “coa excesiva burocracia e axilizar os trámites para facilitar a creación e a implantación de empresas” polo que un dos seus primeiros compromisos será “simplificar e axilizar todos os trámites administrativos que dependan do Concello creando unha única oficina que centralice ás xestións”.

“Se queremos que o talento dos nosos xóvenes quede en Lugo temos que prestar apoio decidido a empresas e a emprendedores, por iso,  levaremos a cabo un  Plan de incentivos fiscais dirixido á atracción de novas empresas xeradoras de emprego, con bonificacións para as licenzas de apertura, obras e no imposto de actividades económicas, así como a taxa de lixo” matizou o popular”.

Outras medidas dentro do modelo de cidade Lugo en marcha co emprego son a creación dun Rexistro Municipal de Empresas matizando que “implantaremos un sistema aberto de adquisición para contratos menores mediante unha aplicación web e móbil para abrir a participación en contratos do Concello a todos os empresarios lucenses que o desexen”. O popular tamén explicou que implantará plans de apoio ao traballador autónomo e ás pymes, para favorecer a sostenibilidade dos negocios familiares.

Por último o Partido Popular tamén quere que os proveedores recuperen a confianza na institución municipal e se compromete a pagar en tempo e forma o servizos que presten.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies