PersoalPoliciaSeguridade

O PP afirma que o Plan de Emerxencias non está preparado para afrontar os perigos que poden xurdir en Lugo

By 4 Abril, 2018Abril 9th, 2018Sin comentarios

O vicevoceiro popular solicita a actualización do Plan de Emerxencias de Lugo que “está obsoleto, é incompleto e non se corresponde coa realidade” xa que leva 11 anos sen revisarse

O vicevoceiro do PP Enrique Rozas reclama a Lara Méndez que “antes de que finalice este mandato “actualice o Plan de Emerxencias Municipal que leva 11 anos sen revisar (23 de maio de 2007) e non está preparado para afrontar os riscos que poden xurdir en Lugo”.

Rozas explicou que “é responsabilidade das corporacións locais, a actualización deste documento” matizando que se trata dun manual básico “para atender, con garantías, as emerxencias que sucenden no termo municipal e que sexan susceptibles de ser controladas, exclusivamente, polos servizos operativos locais”. (policía, bombeiros, protección civil, brigada augas, servizos eléctricos …)

Para os populares é necesario acometer este traballo de forma inmediata xa que o actual documento “está obsoleto e é moi incompleto”. En primeiro lugar, porque  utiliza a cartografía de hai 20 anos có que o Lugo que debuxa é un Lugo diferente ao que hai: non aparece na documentación a nova ponte sobre o Miño,  as edificacións de Augas Férreas, a sede da policía local, nin tampouco o centro comercial de Duquesa de Lugo ou Abella. Ademais incorpora ao Plan de Emerxencias infraestructuras que están abandonadas dende hai anos como son os depósitos da Piringalla ou a vella potabilizadora ou figuran outras como son o Hospital de San Xosé e a Vella Residencia.

En segundo lugar  o PEMU non se corresponde coa realidade porque está feito para afrontar situacións que afectan á poboación que tiña a cidade no ano 2006  (92.000 habitantes) cando, na actualidade, Lugo supera os 98.000 habitantes, 6.000 persoas menos.

En terceiro lugar, o vicevoceiro popular avanzaba que é necesario actualizar deseños adaptados á realidade de rutas rápidas para acudir ás emerxencias.

Enrique Rozas explicou que “os socialistas son coñecedores desta necesidade” xa que a petición que presentamos “foi unha de tantas promesas electorais do PSOE en 2015 cando se comprometeron a  revisar e mellorar o Plan de Emerxencias de Protección Civil”. O vicervoceiro popular explicou que “neste documento se inclúe que se debería actualizar de forma ordinaria semestralmente tanto a cartografía de infraestructuras e medios, como o catálogo de recursos, e o listado da normativa de aplicación directa ou indirecta”.

O Plan de Emerxencias é un instrumento de planificación plasmado nun documento formal cunha estructura definida pola normativa con caracter preventivo e de autoprotección. O PEMU que hai en Lugo foi aprobado pola Xunta de goberno local el 23 de Maio de 2007, e o pleno deu luz verde a este documento o 25 de xuño deste mesmo ano. Este documento redactouse ao abeiro dunha lei do ano 1985 que está derogada e que foi substituída por unha normativa de 2015 polo que é necesario adaptar o PEMU a esta nova lexislación.

Para o vicevoceiro popular este é un asunto que merece unha especial atención e sensibilidade por parte do goberno local. Enrique Rozas avanzou que presentará unha iniciativa en pleno para que sexa a corporación quen dé o respaldo a actualización do PEMU.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies