Cultura

O PP reclama protexer e activar á Banda Municipal de Lugo por tratarse dun ben público e histórico

By 22 Xaneiro, 2022Sin comentarios

A concelleira popular Beatriz Vázquez pide a intermediación da alcaldesa para recuperar a Banda Municipal de Lugo, tan unida á vida da cidade de Lugo dende hai décadas, e que está en perigo inmediato de desaparecer polo deixamento de PSOE e de BNG

O Grupo Municipal do Partido Popular propón á alcaldesa que “rescate da incertidume na que está sumida á Banda Municipal de Lugo” e que declare “cales son as súas intencións reais de futuro para unha agrupación que foi un orgullo cultural singular para todos os lucenses”.

A concelleira popular Beatriz Vázquez avanzou que proporá no próximo Pleno “facer o  esforzo necesario por parte dos dous partidos do bigoberno para impulsar á Banda Municipal” aclarando que “non se explica o que pasa no Concello de Lugo cando noutros municipios, que dispoñen de moito menos orzamento, poden presumir e disfrutar da música das súas Bandas Municipais (Vilalba, Ribadeo, etc)”.

A edil popular considera “inaudito que a Banda Municipal de Lugo estea desaparecida polo deixamento dos sucesivos gobernos de esquerdas de Lugo”. “Semella que prefiren privarnos desta agrupación para gastar fondos públicos nas agrupacións afíns e nos seus amigos abusando da fórmula dos contratos menores” reflexionaba a edil do PP.

Beatriz Vázquez propón que neste Plan de recuperación da Banda Municipal “que se fixen nun calendario as accións necesarias para recuperala e se sometan periodicamente a un control dos diferentes grupos políticos da corporación”. “É preciso estudar os postos necesarios e a súa categorización, as modificacións periódicas da RPT, as convocatorias periódicas de prazas de músico de especialidade, as convocatorias periódicas de concursos de promoción interna, etc., incluíndo as actuacións que o goberno fará para desbloquear a falta do director da Banda, xa que dende novembro de 2016 a praza está vacante.

Responder

17 − seven =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies