CulturaTurismo

O PP quere impulsar que Lugo teña a moeda conmemorativa dos Patrimonios da Humanidade

By 11 Decembro, 2019Sin comentarios

A concelleira popular Beatriz Vázquez Belda presenta un rogo na comisión de cultura para que o bigoberno “se dirixa ao Goberno de España para acuñar e poñer en circulación no Xacobeo 2021 unha moeda de 2€ que difunda a imaxe da Muralla, Catedral e Camiño Primitivo”

O Grupo Popular no Concello de Lugo presenta un rogo á Comisión de Cultura para que “inste ao goberno de España a emitir e poñer en circulación, o vindeiro 2021, unha moeda conmemorativa de 2 euros dedicada aos monumenos patrimonio da Humanidade de Lugo”.

A concelleira popular Beatriz Vázquez Belda afirma que “tendo en conta que en 2021 se celebra o Xacobeo é unha boa ocasión para presumir dos tres patrimonios que temos (Muralla, Catedral e Camiño Primitivo)”. “O concello de Lugo debe ser o impulsor desta proposta que presentou a Asociación de Lugo Monumental” aclarando que “non hai tempo que perder” xa que “só se poden emitir dúas moedas conmemorativas ao ano”.

Vázquez Belda manifestou que “tendo en conta que o organismo emisor é a Fábrica Nacional de Moneda y Timbre, que depende do Ministerio de Economía e Facenda o bigoberno debería facer as xestións oportunas para que se materialice esta petición que o PP tamén levará ao Congreso dos Deputados a través dunha proposición non de lei”.

A concelleira Beatriz Vázquez Belda explica que no rogo tamén se solicita que “a administración local promova un concurso de ideas sobre o deseño desta moeda conmemorativa”.

Para os populares é importante conseguir que Lugo teña esta peza xa que “suporá un espaldarazo á promoción turística da cidade xa que os 2€ coa imaxe dos nosos Patrimonios circulará por toda a Unión Europea”. “O concello de Lugo ten unha magnífica oportunidade de difundir os tres bens que temos Patrimonio Mundial da UNESCO”, reflexionou Beatriz Vázquez.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies