CulturaInfraestruturas

O PP protagoniza un novo acto simbólico para visibilizar que o Auditorio de Magoi segue pechado e sen prazo para súa apertura

By 23 Marzo, 2021Sin comentarios

O voceiro popular Ramón Carballo critica as disculpas coas que o bigoberno  xustifica que esta infraestrutura non abra “non é crible que digan que recibiron un edificio que non está en condicións; ou a última ocorrencia na que se escudan en que ten o mesmo aforo que o Gustavo Freire ou que non compensa abrilo mentres haxa aforos limitados”

O Grupo Municipal do PP ao completo participou nun acto simbólico para reclamar a apertura do novo auditorio de Magoi tras 271 días pechado dende que PSOE e BNG recibiron as chaves do inmoble o 23 de xuño de 2020.

Tal e como anunciou o Grupo Popular o pasado mes de febreiro “tomamos como referencia esta data para facer pública a nosa reclamación e visibilizar “a pouca vergoña que teñen os concelleiros do PSOE e os do BNG inventando, cada mes que pasa, novas excusas de mal pagador para manter pechada esta infraestructura”.

Baixo o hashtag #AbrideoAuditorioXa os concelleiros populares protagonizaron esta mañá a segunda acción reivindicativa para forza a apertura do novo auditorio.

Unha pancarta colgada na rede perimetral da parcela onde está o edificio e na que aparecen a alcaldesa e o vicealcalde e onde se pode ler ‘Para Cando?’  interpela  aos dous socios do bigoberno para que dean a cara e poñan prazos para a posta en marcha deste edificio, demandado no seu día por todos os partidos políticos e o tecido social, no que se investiron máis de 25M€.

O popular asegura que “aos lucenses non nos enganan con disculpas absurdas como a de que o edificio non está en condicións, ou a última ocorrencia na que se amparan en que ten o mesmo aforo que o auditorio Gustavo Freire”. Carballo manifestaba “se non está en condicións foi unha irresponsabilidade que o recepcionaran” engadindo que “o que xa nos parece o colmo é que condicionen a súa apertura ás restriccións da Covid cando, precisamente, pola amplitude desta instalación sería un espazo moito máis seguro que a actual nave do Gustavo Freire”.

Os populares insisten que “polas últimas declaracións da responsable de cultura semella que vai ir para longo a apertura do auditorio polo que, mentres se aclaran sobre o modelo de xestión e a programación que van deseñar, como mínimo deberían abrir a zona para que os veciños podan disfrutar dos espazos públicos”.

Outro aspecto que preocupa á formación popular ten que ver coa seguridade dos equipos “nos que se investiron miles de euros e  que están dentro do novo auditorio”. Carballo advirte que podería dárse o caso de que cando se abra a instalación “haxa problemas con eles xa que ao non usarse poden deteriorarse e supoñer un sobrecuste a maiores en reparacións.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies