O PP está “preocupado e desgustado pola actitude do bigobierno con respecto á incorporación de Lugo ao programa contra os malos tratos, VioXén”. Hoxe na comisión de cohesión social, o PSOE dixo claramente a preguntas que lle formulou o Grupo Popular que “non se activa o VioXén porque os axentes non están aínda formados”
Para Macamen López Silva esta “escusa xa non ten percorrido” lembrando que “hai un ano dixeron exactamente o mesmo e, de feito, estamos a piques de celebrar o 8 de marzo sen avances nesta adhesión”.
A concelleira popular Macamen López Silva tamén lamentou a falta de vontade política para adherirse á Rede Galega de Municipios contra a Violencia de Xénero. “Hoxe volveron a repetir que o ían a valorar, xa nos soa a tomadura de pelo porque levan con esa cantilena desde xullo de 2017″, sentenciou.
