Servizos xerais

O PP pregunta ao goberno local se pensa licitar os paneis de información multimedia despois de que o concurso quedase deserto en maio de 2019

By 6 Agosto, 2021Sin comentarios

A concelleira do Grupo Municipal do PP Sagrario Sánchez recorda como o 24 de maio de 2019 a mesa de contratación declarou “deserta” a licitación do contrato de instalación, mantemento e explotación dos paneis informativos de Lugo e dende entón nada se fixo por recuperar este útil servizo de información para a cidadanía

A concelleira do Grupo Municipal do Partido Popular no Concello de Lugo, Sagrario Sánchez, pregunta ao goberno local se pensa licitar o contrato para que Lugo teña de novo os paneis de información multimedia, despois de que o anterior goberno local os retirara en setembro 2018.

Sagrario Sánchez urxe ao bigoberno de Lugo a contratación dos novos paneis informativos, xa que se trata dun servizo moi útil para a cidadanía e, dende a súa retirada, “tiveron tempo máis que suficiente” para redactar uns novos pregos de contratación, despois de que o 24 de maio de 2019 a mesa de contratación declarase “deserta” a licitación deste contrato. “Hai case tres anos que se retiraron das rúas, case dous anos e medio dende que o anterior concurso quedase deserto… está claro que se non hai nada feito é porque non lles interesa”, afirmou a popular.

A concelleira popular di que o goberno local tivo tempo suficiente para licitar un novo contrato, máis atractivo e con medidas como paneis multimedia para poder dar máis información aos cidadáns, ademais da hora e da temperatura.

Sagrario Sánchez recorda que o último prego que sacou a licitación o goberno local tiña un valor estimado de contrato de 1.965.600€ e unha duración de 10 anos, podendo prorrogarse ata cinco anos máis e contemplaba a instalación de entre 20 e 25 paneis de información.

A cidadanía segue a demandar que as rúas da cidade teñan estes paneis informativos, xa que é un servizo moi útil para a cidadanía, porque ademais da información meteorolóxica e da hora (que eran os únicos datos que ofrecían antes), pode completarse con información sobre os aparcadoiros soterrados, información de interese xeral para a cidadanía ou avisos sobre a alerta sanitaria.

Incluso se poden incluír avisos sobre rúas cortadas ou nas que se estean a producir arranxos na vía, avisos urxentes para os cidadáns ou os horarios dos museos para os turistas.

Recorda a edil popular que en xaneiro de 2019 Rubén Arroxo urxía á alcaldesa a repoñer estes paneis de información e acusaba ao anterior equipo de goberno de “desleixo”. “Vendo como actuaban na oposición e o que non fan no BNG agora dende o goberno, non sabemos moi ben como cualificar a súa falta de traballo, pero como mínimo tamén se pode falar como desleixo polo que deben de ter esa mesma máxima axilidade que esixían ao anterior goberno local”, afirmou.

Responder

20 − 7 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies