Servizos sociais

O PP pide solucións para as persoas sen fogar cuxas mascotas non poden entrar no albergue municipal

By 9 Febreiro, 2022Sin comentarios

Á vista dos casos que recollen os medios locais de persoas sen fogar que optan por quedar á intemperie para non separarse da súa mascota, Macamen López propón que se estude “habilitar no albergue unha habitación ou espazo específico para estas persoas e as súas mascotas”

A concelleira do Grupo Municipal do Partido Popular no Concello de Lugo, Macamen López, pide ao goberno local “una maior sensibilidade” para dar unha solución a aqueles usuarios do Fogar do transeúnte que non queren acceder a estas instalacións, en plena onda de frío, xa que non se permite a entrada do seu can, “que en moitos casos é a única familia que lles queda e da prefiren non separarse”.

Unha situación ante a que Macamen López pide ao goberno local que se busque a solución máis axeitada para que estas persoas sen teito poidan pernoctar a cuberto na compaña da súa mascota. A concelleira popular asegura que hai fórmulas que utilizan outros albergues como poderían ser “habilitar unha habitación ou espazo específico para os sen teito que leven mascotas”.

Os populares lembran que outra vía, a medio longo prazo, podería ser a reactivación da oficina municipal de voluntariado, de xeito que calquera lucense que o desexe podería prestar a súa axuda desinteresada a outras persoas, neste caso acollendo ás mascotas. “É chamativo que este bigoberno se negue de forma sistemática a impulsar o voluntariado e fomentar un labor de acompañamento a diversos colectivos como podería ser tamén o dos sen teito”.

A concelleira popular Macamen López matizou que “non dá crédito á falta de capacidade de reacción do bigoberno de Lugo” lamentando “a indiferencia que está a demostrar, polas persoas sen fogar que están a durmir, dende hai meses, á intemperie porque non queren deixar ao seu can só na rúa”. Para López Silva “é reprobable que o goberno de esquerdas de Lugo mire para outro lado ante esta realidade” explicando que “unha administración local non pode deshumanizarse debe ser solidaria”.

Responder

four × one =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies