Deportes

O PP pide que Méndez e Arroxo se pronuncien e medien sobre o futuro do Club Fluvial de Lugo

By 1 Xullo, 2021Sin comentarios

O voceiro do Partido Popular Ramón Carballo anuncia que pedirá un pronunciamento da alcaldesa socialista de Lugo e do seu vicealcalde sobre a petición de Adega de habilitar “unha zona de baño pública na franxa de 5 metros que o Club Fluvial ocupa xunto ao río”.

Ramón Carballo espera que o bigoberno non aproveite esta circunstancia para que os máis de 17.000 socios da entidade lucense perdan o uso e o disfrute desta zona.  Nese senso os populares piden a Méndez e Arroxo  que medien coa Confederación Hidrográfica para chegar a “unha solución satisfactoria para todos”.

Carballo insiste en que Lugo non ten que apropiarse das instalacións do Club Fluvial, senon que ten que acondicionar “unha ou dúas praias fluviais públicas”. O voceiro popular engadiu que “estas dotacións non se materializan pola incompetencia de PSOE e BNG que, tras anos de reiteradas promesas, confórmanse cunhas charcas no Parque do Miño, sen ningún tipo de peche perimetral,  con auga da billa quentada cun quentador”.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies