Os concelleiros populares fan esta petición despois de percorrer a zona cos veciños e comprobar como hai un aumento do número de vehículos que circulan pola parroquia, polo que é preciso reforzar tanto a sinalización vertical coma horizontal para garantir a seguridade viaria
Son de agradecer as poucas iniciativas empresariais que ven a luz en Lugo, sobre todo polo risco que corren os seus promotores, polo que dende o Grupo Municipal do Partido Popular consideran necesario dar facilidades a estas iniciativas é unha delas pasa por reforzar a seguridade viaria e o mantemento viario no entorno dunha destas iniciativas na parroquia de Conturiz.
Os concelleiros populares visitaron a parroquia en compañía de veciños da zona e comprobaron como hai una iniciativa deportiva que está a funcionar moi ben nesta parroquia polo que, como é lóxico, aumentou a densidade de circulación, polo que dende o Grupo Popular piden ao goberno local un reforzo da sinalización, tanto horizontal coma vertical, para mellorar e garantir a seguridade viaria tanto a veciños como aos usuarios deste centro deportivo.
Para os veciños e os concelleiros populares a actuación primordial é a colocación dun STOP no cruzamento de Camiño do Vilar e Camiño do Santo, ademais de mellorar o pavimento das vías da zona, moitas delas con fochancas, afundimentos e grava solta, o que dificulta a circulación.
Ante esta situación, dende o Grupo Municipal Popular presentarase unha iniciativa para pedir ao goberno local unha mellora da seguridade viaria nesta zona.
