07 DE MARZO 2024
- Enrique Rozas manifestou que “dicir que non recibiron dúas peticións dirixidas á alcaldía, para visitar esta dotación cultural, non é crible” e que esta situación podería ser outro indicativo “das trabas que este goberno local pon ao labor de fiscalización”
- O vicevocerio popular manifestou que “a realidade é que o Concello de Lugo está a impedir de maneira reiterada o labor de control á oposición coa obstrucción ao acceso ás inistalacións municipais, demoras indebidas a acceso de expedientes ou coa negativa á entrega de copias dos mesmos”
- Sobre o caso do veto a entrar no auditorio o popular abondaba que “resulta difícil crer que houbera un erro reiterado á hora de derivar dous escritos do mesmo tema, rexistrados no Rexistro Xeral da Sede electrónica en diferentes datas, xa que trascurriu tempo suficiente para subsanalo e enviar o documento ao departamento de alcaldía que figura no pé de páxina”
- “Non imos permitir que recurten os dereitos do grupo político con máis concelleiros da corporación e que nos boicoteen de forma habitual no noso labor como oposición e por iso presentaremos en vindeiros días unha queixa á valedora do pobo”
CRONOLOXÍA DOS FEITOS PETICIÓN ENTRADA AUDITORIO MAGOI
- O Grupo Popular rexistrou 2 escritos solicitando acceso ao edificio do Auditorio de Magoi trala confirmación, por parte do goberno local, en decembro de 2023, de que esta dotación estaba lista para a súa apertura.
- O primeiro presentouse o 10 de xaneiro, e diante da falta de contestación reitérase a petición o 14 de febreiro. Logo de que pasasen 5 días hábiles sen resposta interpretamos que se trata dun silencio administrativo positivo e comunicamos, este luns 4 de marzo, a nosa intención de visitar o Auditorio de Magoi o luns 11 de marzo.
- Curiosamente esa petición coincidiu coa visita que fixeron Alvarellos e Arroxo a esta infraestructura e a que non se invitou nin comunicou ao grupo popular.
- Un día despois desta comunicación, recibimos vía correo electrónico unha resposta na que se explica “que alcaldía non tiña coñecemento” dos escritos de 10 de xaneiro e 14 de febreiro porque foron “derivados a outro departamento”. Tamén se nos indican que a visita do vinderio luns “non é posible organizala e que nos próximos días contactaran co grupo para concretar unha nova data”.
