Urbanismo

O PP pide aprazar o pleno do PXOM para estudar con detalle as máis de 300 fichas e planos

By 16 Xuño, 2022Sin comentarios

O voceiro e o vicevoceiro popular, Ramón Carballo e Antonio Ameijide, critican que se lles facilitase a documentación a dous días e medio da convocatoria e recriminan que “a alcaldesa se negase a recibilos para chegar a consenso no documento de maior envergadura do municipio”

Os populares argumentan que “é pouco sensato” que nun tema de calado coma este, onde hai moito que revisar, e no que temos dúbidas de determinadas cuestións nos limiten o tempo para analizalas”. Hai que ter en conta que no expediente hai documentación de 82 núcleos, 20 sectores, 29 planos e 87 fichas.

Dende o Grupo Popular interpretan que a alcaldesa os ningunea “quizá xa ten os votos do seu socio nacionalista e, por iso, rexeita facer acordos co principal grupo da oposición que é o que máis edís ten na corporación”

A petición que trasladaron hoxe os populares aos medios de comunicación formalizárona presentando no rexistro un escrito dirixido a Lara Méndez para pedir que atrase o pleno aclarando que “non se trata de poñer trabas por poñer senón de actuar de forma responsable” lembrando como que o PP votou en varias ocasións a favor”

Os populares avanzaron que, neste asunto, manterán a súa liña de traballo “de política útil e sen sectarismos” indicando que “a nosa predisposición é traballar para que se aprobe o documento pese as dificultades que pon a alcaldesa”

O Partido Popular, dende o primeiro minuto, traballou de forma responsable e aportou centos de alegacións ao PXOM co ánimo de melloralo. Fomos, dende o primeiro minuto,  leais e construtivos. Non era o noso plan pero era mellor un mal plan que non ter ningún.

Por último os populares lamentaron o triunfalismo e a frivolidade coa que a alcaldesa despacha 11 anos de atraso na tramitación deste documento manifestando que “o feito de que non haxa nin un asomo de autocrítica polos damnificados por este despropósito é un síntoma de que a alcaldesa de Lugo vive nunha realidade paralela”

“Nin unha soa desculpa aos lucenses que non puideron facer a súa casiña nunha finca da súa propiedade afectada polo 5% pendente, ou dos mozos dalgunhas parroquias que non puideron ampliar ou construír unha explotación e tiveron que marchar a outras parroquias ou, incluso, a outros municipios” concluíron.

Responder

two × 3 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies