Zona rural

O PP pide ao goberno local o arranxo dunha parte da rúa dos Canteiros, a que une o Ceao coa N-VI

By 26 Xuño, 2022Sin comentarios

Rafael Pérez explica que acudiron á zona trala chamada de varios veciños e traballadores do polígono industrial e comprobaron os enormes afundimentos que presenta esta vía, que na súa maior parte está chea de fochancas

O abandono ao que PSOE e BNG someten aos veciños das parroquias é unha tónica xa instaurada no Concello de Lugo que, lonxe de solucionarse, cada día se acrecenta máis.

Nesta ocasións, o concelleiro popular Rafael Pérez explica a situación da rúa dos Canteiros, xusto na parte traseira do polígono de O Ceao, na parte que une esta zona industrial coa N-VI. “Acudimos trala chamada dos veciños e comprobamos o terrible estado que presenta esta vía”, afirma.

Durante a visita, Rafael Pérez puido constatar as grandes dificultades que teñen que superar os traballadores que empregan esta vía para poder realizar o seu traballo. “Vimos como incluso furgonetas teñen que conducir en zig-zag, dun lado a outro da estrada para poder circular. Está claro que iso é calquera cousa menos unha estrada en condicións”, lamentou.

Por iso, dende o Grupo Municipal Popular defenderán un rogo no pleno deste xoves para que o goberno local proceda ao arranxo desta rúa.

Responder

15 + 12 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies