TráficoZona rural

O PP pide ao goberno local o arranxo do paso soterrado na N-VI no quilómetro 506

By 14 Maio, 2022Sin comentarios

Rafael Pérez explica que hai malestar entre os veciños xa que este punto leva moitos meses nun estado deplorable, con fochancas de varios centímetros de profundidade e algunha de medio metro de anchura, o que dificulta seriamente a circulación

Os veciños de Santiago de Meilán están cansos de ter que sufrir as incomodidades que supón o mal estado do paso soterrado baixo a N-VI que hai na parroquia, á altura do quilómetro 506.

Ante esta queixa veciñal, os concelleiros populares achegáronse ata a zona e comprobaron que as protestas están máis que fundamentadas. Sinala o edil popular, Rafael Pérez, que se trata dun punto moi transitado xa que serve de saída da N-VI para os veciños que viven en Meilán e tamén para moitos dos traballadores do polígono de O Ceao.

A realidade é que as fochancas que hai neste punto son dunhas dimensión considerables, sen esquecer a gran cantidade de grava solta no chan, que xa fixo patinar a máis dun vehículo.

Ante esta situación, Rafael Pérez presentará un rogo a comisión para pedir ao Concello de Lugo a que faga as xestións oportunas para que se arranxe esta vía e así dar resposta as queixas dos veciños, en aras a mellorar a seguridade viaria.

Responder

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies