O vicevoceiro popular pide menos postureo a Rubén Arroxo que “en seis meses como vicealcalde o único que fixo foi pintar dous autobuses de roxo” e lle reclaman aos nacionalistas que en vez de “viaxes propagandísticos cumpran o acordo de pleno, iniciativa do PP e que no seu día apoiou o BNG, que establecía autobuses de balde para os xóvenes lucenses co ánimo de fidelizar futuros usuarios”
O vicevoceiro do Grupo Popular reclama ao bigoberno que financie o transporte público dos mozos e mozas menores de 18 anos seguindo o modelo do transporte metropolitano da Xunta. “Estas iniciativas supoñen un compromiso real e se afasta do postureo do vicealcalde que se reduce a elixir o color dos autobuses ou a organización de viaxes propagandisticas” reflexionaba o popular. Esta proposta da autoría do PP conta co respaldo dos nacionalistas, lembraba Antonio Ameijide. “Con esta iniciativa si xeramos o hábito de coller o autobús entre os xóvenes e por riba teñen un retorno no eido da mobilidade e tamén no ámbito medioambiental”
O Partido Popular tamén pide ao bigoberno que garanta o mantemento e a conservación das marquesiñas e os postes de paradas de autobuses xa que “en todos os barrios atopamos exemplos de postes en mal estado, sen información das liñas, ou se a hai é practicamente ilexible”.
O vicevoceiro popular explicou que, mentres non se avanza no novo modelo de autobuses, hai que prestar un servizo mínimo aos veciños e como exemplo do deterioro e da falta de mobiliario de autobuses puxo o caso da Avenida de Magoi “onde tan só hai unha única marquesiña, a outra que existía enfrente dunha área comercial e que sufriu un accidente por mor do choque dun autobús nunca se repuxo, eso si quedou o mupi de publicidade comercial”.
Antonio Ameijide lembra que “a empresa que explota a publicidade en soportes exteriores propiedade municipal era a que tiña que encargarse do seu mantemento pero leva dende hai tres ano sen contrato”. O popular criticou que o bigoberno continue permitindo que unha empresa privada se facture por utilizar estes soportes a pesar de que en setembro de 2016 a multinacional rematou o contrato “Clear Channel está obtendo beneficios por unha actividade comercial pero, nin paga un euro a cambio ao concello nin tampouco se fai cargo do mantemento do mobiliario”.
O vicevoceiro popular lembrou como “cando entraron no goberno os socialistas, no ano1999, tardaron só uns meses en ampliar a seis anos máis, pola porta de atrás este contrato, pasando dos dez anos previstos máis unha posible prórroga de tres anos, a 19 anos de contrato máis os dous anos de forma alegal”.
Esta situación provoca que, ano tras ano, se deteriore máis o mobiliario dos autobuses urbanos que no caso dos postes informativos se agrava co paso do tempo. Antonio Ameijide subliñou como “moitos deles están rotos, moi deteriorados, e os que desapareceron non se repuxeron como son os casos da rúa Vilalba e a Avenida de Magoi”.
O vicevoceiro popular explicou que tamén urxe que se atendan as demandas veciñais que reclaman a colocación de novas unidades de marquesinas en puntos como As Gándaras (fronte á residencia da terceira idade) ou tamén no barrio da Ponte antes do cruce que comunica coa Nacional VI.
Os populares afirman que o despropósito sobre a información que se ofrece das liñas de autobuses chega ata tal punto que nos poucos lugares onde atopamos información, como é o caso da marquesina de Ánxo López Pérez, as rutas están desactualizadas “inclúen no itinerario rúas peonís como é San Marcos”.
