Os populares fanse eco das reclamacións dos veciños de Paradai que recolleron sinaturas para pedir á alcaldesa o traslado do canil a unha zona que reúna as condicións necesarias para amplialo e que os cans poidan correr e xogar
Os veciños de Paradai iniciaron hai uns días unha recollida de sinaturas para pedir a Lara Méndez a posibilidade de trocar de localización o canil de agility da rúa Serra de Ancares debido aos inconvenientes que xera aos veciños e pola falta de espazo para que os cans poidan correr.
Os concelleiros populares achegáronse ata a zona para comprobar a denuncia realizada polos veciños e viron como “o espazo é moi pequeno, polo que en ocasións xéranse tensións entre os cans ao non ter capacidade de afastamento”.
Estas situacións sucédense en diversas franxas horarias, sempre que coincidan varios cans á vez neste lugar, provocando escandalosos ladridos a través do valo”. Debido ao pequeno espazo tamén provoca que se acumulen as feces e ouriños converténdose este lugar nun foco de risco.
Ademais, debido a unhas obras que se están a realizar na rúa colindante parte dun dos valados rompeuse polo que este canil se inutilizou, reducindo o espazo de recreo para os cans a un so canil.
Por estes motivos, os veciños solicitan este cambio de localización, aproveitando de paso a sinerxia das actuais obras de acondicionamento da Rúa Xardín.
