O PP insta ao goberno local a reclamar máis horas do SAF á Xunta para prestar servizo ás 247 familias que están en lista de agarda

By 18 Novembro, 2021Servizos sociais

A concelleira popular Macamen López Silva resúltalle “sorprendente” que o PSOE diga que non pode pedir máis horas do SAF cando “a Xunta non vai poñer reparos en aumentar as horas senón todo o contrario vai a incrementar as achegas”

O Partido Popular defendeu hoxe en comisión un rogo para que o goberno local reclame 3.000 horas máis para o Servizo de Atención ao Fogar que completarían as 18.796 horas que xa ten asignadas ao mes. A concelleira popular Macamen López Silva presentou esta iniciativa despois de coñecer que, a setembro de 2021, o Concello de Lugo atende ao 64% das peticións que lle chegan solicitando o SAF, quedando en lista de espera 247 familias.

Dende o Grupo Popular lamentan que a concelleira socialista de Servizos Socialista para conseguir que se estenda o SAF a máis fogares e incrementar o número de horas das persoas que dispoñen deste servizo. Macamen López Silva lamenta que o PSOE dixera hoxe que “non lle competía tomar a iniciativa neste asunto” engadindo que “quen debe coñecer e preocuparse polas necesidades das familias debe ser a administración local, non é de recibo que intenten pasarlle a responsabilidade á Xunta”. “Se fan falta máis horas para o SAF teñen agora a oportunidade de reclamalas”.

Outro aspecto que beneficia ao concello é que a Xunta aportará preto de 300.000€ máis en 2022 para o Servizo de Axuda a Domicilio en Lugo grazas ao incremento de achega na hora de prestación que pasará de 9,7 a 11 € (esta medida terá efectos retroactivos dende o 1 de xaneiro de 2021)” . Neste momento o Concello de LUGO ten 226.080 horas anuais de SAF asignadas, polas cales a Xunta estaba poñendo á súa disposición 2.192.976 €

López Silva explicaba que os expedientes que esperan axuda da administración local son 227 de grao I; 27 de grao II e 2 de grao III. Dado que para prestar o SAF é preciso ter persoal suficiente e que teña formación axeitada os populares solicitarán que se incremente o orzamento municipal para o SAF de cara ao 2022 “está claro que hai unha demanda crecente e que se durante a pandemia había receos en utilizar este servizo, coa nova normalidade parece que se recupera a demanda desta prestación”.

Leave a Reply

two × 4 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies